Түркістан облысында шыны зауыты, жел электр стансасы қытайлық инвесторлармен келіссөздер жүргізуде

Күн тәртібінде бірінші кезекте Kibing Group басшылығымен инвестициялық ынтымақтастық мәселесі қаралды. Компания құрылыс индустриясы үшін қалқымалы шыны және энергия үнемдейтін шыны бұйымдарын, электронды құрылғыларға арналған мамандандырылған шыныларды, күн энергиясы үшін фотоэлектрлік шыныларды және фармацевтика өнеркәсібі үшін жоғары сапалы шыны өнімдерін шығаруға маманданған Тараптар Түркістан облысында қалқымалы шыны өндіретін және кварц құмын өңдейтін ірі өндіріс кешенін салу жобасын талқылады. Әкім бұған дейін инвесторлармен кездесіп, жобаны жүзеге асыру барысын жан-жақты талқылаған болатын. Жоба өңірдің өнеркәсіптік әлеуетін көтеріп қана қоймай, құрылыс материалдары өндірісін дамытуға, импортқа тәуелділікті азайтуға және экспорттық мүмкіндіктерді кеңейтуге жағдай жасайды. Сондай-ақ, жаңа кәсіпорын жүздеген тұрақты жұмыс орындарын ашып, жергілікті мамандардың біліктілігін арттыруға мүмкіндік береді Сондай-ақ аймақ басшылығы Қытайдағы ең ірі энергетикалық компаниялардың бірі China Energy компаниясының өкілдерімен кездесті. Келіссөздерде қуаттылығы 1500 МВт болатын ірі жел электр станциясын салу жобасы талқыланды Бұл бастама Түркістан облысының жаңартылатын энергия көздерін дамыту стратегиясына толығымен сәйкес келеді. Жоба өңірдің энергетикалық қауіпсіздігін нығайтып, таза электр қуатын өндіруді айтарлықтай арттыруға мүмкіндік береді. Бұл сонымен қатар инженерлік инфрақұрылымды дамытуға және инвестициялық белсенділікті арттыруға ықпал етеді Елбасы Қасым-Жомарт Тоқаев елімізде жасыл экономиканы дамытуға және жаңартылатын энергияның үлесін арттыруға ерекше көңіл бөліп отырғанын айта кеткен жөн. Осыған байланысты баламалы энергетиканы дамыту Түркістан облысының стратегиялық басымдықтарының бірі болып табылады. Өңірдегі қолайлы табиғи-климаттық жағдайлар, соның ішінде жоғары жел және күн әлеуеті жаңартылатын энергия жобаларын сәтті жүзеге асыруға кең мүмкіндіктер туғызады Халықаралық компаниялармен кездесулер Түркістан облысының инвестициялық саясатын жүзеге асырудағы жүйелі жұмыстардың жемісі екені айтылды. Өңір басшылығы өнеркәсіп, жоғары технологиялар және жасыл энергетика салаларындағы ынтымақтастықты кеңейту арқылы тұрақты экономикалық өсімге қол жеткізуді мақсат етіп отыр Ірі инвесторлармен қол жеткізілген келісімдер Түркістан облысының өнеркәсіптік әлеуетін нығайтуға және оны Қазақстанның негізгі индустриялық және энергетикалық даму орталықтарының біріне айналдыруға берік негіз жасайды деп күтілуде ҚазАқпарат бұдан бұрын хабарлағандай, Шығыс Қазақстан облысының әкімі Нұрымбет Сақтағанов Қытайдың Шыңжаң-Ұйғыр автономиялық ауданы Алтай қаласында өткен Транс-Алтай субөңірлік ынтымақтастығы жөніндегі 2026 жылғы халықаралық конференцияға қатысты