Қазақстандағы жеке деректерді цифрландыру және қорғау Еуропа Кеңесінің басты назарында

Іс-шараға Қазақстан Республикасының Жасанды интеллект және цифрлық даму вице-министрі Досжан Мұсалиев пен Еуропа Кеңесінің қауіпсіздік, тұтастық және заң үстемдігі жөніндегі директоры Ханна Юнкер қатысты Брифинг барысында қазақстандық тарап елдің цифрлық трансформациясының негізгі нәтижелерімен таныстырып, мемлекеттік деректерді, цифрлық сәйкестендіруді, мемлекеттік қызметтерді, аналитикалық құралдар мен жасанды интеллект негізіндегі шешімдерді біріктіретін заманауи GovTech экожүйесін құру тәжірибесімен бөлісті Негізгі баяндаманы Қазақстан Республикасы Жасанды интеллект және цифрлық даму вице-министрі Д.Мұсалиев жасады. Ол цифрландыру, жасанды интеллект, электронды үкімет және цифрлық экономика саласындағы еліміздің негізгі жетістіктерімен таныстырды Тұсаукесер барысында Д.Мұсалиев Қазақстан Онлайн қызмет көрсету индексі бойынша әлемде 10-шы орында тұрғанын және цифрлық қызметтердің даму деңгейі бойынша ТМД елдерінің көшбасшысы екенін баса айтты. Озық технологияларды енгізуге, киберқауіпсіздікті қамтамасыз етуге және инновациялық бизнес үшін қолайлы жағдай жасауға ерекше назар аударылды — Қазақстанның цифрлық инфрақұрылымы өзінің тиімділігін дәлелдеп, халықаралық деңгейде танылды. Біздің тәжірибеміз көптеген елдер үшін пайдалы болуы мүмкін», - деді вице-министр Еуропа Кеңесінің Қауіпсіздік, тұтастық және заң үстемдігі жөніндегі директоры Ханна Юнкер цифрлық дамудың жаңа саласындағы Қазақстан мен Еуропа Кеңесінің ынтымақтастығы туралы өз бағасымен бөлісті Оның пікірінше, Қазақстанның Еуропа Кеңесі Комитетінің жеке деректерді автоматты түрде өңдеуге қатысты жеке тұлғаларды қорғау туралы №108 конвенциясында бақылаушы мәртебесін алуы екі тарап арасындағы тәжірибе алмасу мүмкіндіктерін кеңейтеді Брифингке қатысушылар сонымен қатар цифрлық басқару, жасанды интеллект және цифрлық ортадағы адам құқықтарын сақтау саласындағы Қазақстан мен еуропалық институттардың одан әрі ынтымақтастығы перспективаларын талқылады Іс-шара ашық диалог форматында өтті және Еуропа Кеңесі, дипломатиялық корпус өкілдері мен сарапшылар арасында үлкен қызығушылық тудырды «Цифрлық Қазақстан» брифингі Қазақстан Республикасының Еуропа Кеңесімен серіктестігін нығайтудағы тағы бір қадам болды