Түркіменстанда мектепте телефонды пайдалануға қатысты жаңа ереже енгізілді

Түркіменстанның Білім министрлігі оқушылар мен студенттердің ұялы телефондар мен басқа да құрылғыларды пайдалану тәртібін ресми түрде бекітті Бұл туралы жергілікті Jeuhun.news басылымына сүйеніп, Азаттықтың түркімен қызметі хабарлады Министрліктің хабарлауынша, жаңа тәртіп студенттердің сабақ үстінде алаңдамауын болдырмау және оқу үдерісінің тиімділігін арттыру мақсатында қабылданған Жаңа бұйрыққа сәйкес, жаңа оқу жылынан бастап мектеп оқушылары мен жоғары оқу орындарының студенттері жеке мобильді құрылғыларды сабақ кезінде оқытушының рұқсатымен ғана пайдалана алады Мобильді құрылғыларға байланыс, интернет, фото, бейне және дыбыс жазу функциялары бар барлық құрылғылар, ұялы телефондар, смартфондар, планшеттер, ноутбуктер және смарт сағаттар жатады Бұл құрылғылар сабақ кезінде дыбыссыз күйде болуы керек. Білім беру ұйымдары құрылғыларды сақтайтын арнайы орындарды ұйымдастыруға міндетті Мәліметтерге қарағанда, жаңа ережелер қоғамда түрлі пікірлер туғызған. Білім саласының өкілдері телефонды бақылаусыз пайдалану оқу үдерісіне кедергі келтіретінін айтып, шектеулерді қолдайды. Ал оқушылар мен ата-аналар мобильді құрылғылардың төтенше жағдайларда және білім беру мақсатында қажет екенін атап өтеді Түркіменстанда бұрын да байланыс құралдарын пайдалануға бейресми шектеулер қолданылған. Кейбір мектептер мен жоғары оқу орындарында оқушылар мен студенттерге телефон пайдалануға тыйым салынғаны, кейде олардың құрылғыларын тінтуге болатыны хабарланды Мұндай шектеулер тек оқушылар мен студенттерге ғана емес, бюджеттік мекеме қызметкерлеріне де қатысты. Бұрын үкімет мұғалімдер мен медицина қызметкерлерінің жұмыс орнында ұялы телефонды пайдалануына шектеу қойған болатын. Алайда бұл шешімдердің себептері ресми түрде түсіндірілмеді