Түрікменстан әуе жолдары Дубай мен Абу-Дабиге рейстерді тоқтатуды 15 маусымға дейін ұзартты

Түрікменстан әуе компаниясы Біріккен Араб Әмірліктеріне тұрақты рейстерді уақытша тоқтатуды 15 маусымға дейін ұзартты, деп хабарлайды Азаттықтың Түркімен қызметі - Азатлык радиосы Әуе компаниясының 5 маусымдағы хабарламасында айтылғандай, мұндай шешім Иранның әуе кеңістігін пайдалануға қойылған шектеулерге байланысты, сондай-ақ ұшу қауіпсіздігін қамтамасыз ету мақсатында жүргізілген тәуекелді бағалау нәтижелеріне байланысты қабылданған Хабарламада атап өтілгендей, тоқтатылған рейстердің жолаушыларына айыппұлдарсыз және қосымша алымдарсыз әуе билеттерінің құнын толығымен қайтару немесе сапарларын келесі қолжетімді күндерге тегін ауыстыру мүмкіндігі беріледі Бұған дейін Таяу Шығыстағы қақтығысқа байланысты бірқатар халықаралық әуе компаниялары, соның ішінде Орталық Азия әуе компаниялары БАӘ-ге тұрақты рейстерді тоқтатқан болатын. Бұған әуе кеңістігін жабу және Иран, Израиль, Сирия, Ирак, Иордания және Ливан сынды бірқатар елдердің үстінен ұшуға тыйым салу себеп болды. Атап айтқанда, қазақстандық Air Astana әуе компаниясы ақпан айынан бастап Алматы мен Астанадан Дубайға тұрақты рейстерді тоқтатты Кейін Біріккен Араб Әмірліктерінің Азаматтық авиацияның бас басқармасы уақытша сақтық шараларын алып тастап, әуе кеңістігін ашатынын хабарлады Маусым айының басында Air Astana Қазақстан мен БАӘ арасындағы тұрақты рейстерді кезең-кезеңімен қалпына келтіретінін хабарлады. Әңгіме Алматы мен Астанадан ұшатын рейстер туралы болып отыр. Иранның әуе кеңістігінің жабылуына байланысты әуе қатынасының қауіпсіз әрі сенімді болуы үшін рейстер Пәкістан арқылы жүзеге асырылады Әуе компаниясының мәліметінше, рейстер біртіндеп кестеге оралады Azattyk Asia © 2026 Азаттық радиосы, Inc. | Барлық құқықтар қорғалған