Түркия мен Сауд Арабиясы жаңа теміржол дәлізін құруда

Түркия мен Сауд Арабиясы аймақты байланыстыратын жаңа теміржол дәлізін құру бағытында ынтымақтастықты бастады Эр-Риядта тараптар теміржол саласындағы ынтымақтастық туралы меморандумға қол қойды, деп хабарлайды Modern.az Жоба бойынша теміржол желісі Сауд Арабиясын Түркиямен Иордания және Сирия арқылы байланыстырады. Ұзақ мерзімді перспективада жолды Оманға дейін ұзартып, Үнді мұхитына шығуды қамтамасыз ету жоспарлануда. Бұл Ормуз бұғазына балама сауда жолын қалыптастыруға мүмкіндік береді Түркияның көлік және инфрақұрылым министрі Абдулкадир Уралоғлу бастапқы кезеңде Түркия шекарасынан Сирияның Алеппо қаласына, одан әрі Дамаскіге дейін теміржол желісін салу жоспарланып отырғанын айтты. Бұл уақытта қолданыстағы теміржол инфрақұрылымы пайдаланылады Министрдің айтуынша, жобаның ең күрделі бөлігі Иордания мен Сауд Арабиясы шекарасында орналасқан. Қазіргі уақытта жол Эр-Рияд арқылы өте ме, әлде Хиджаз бағытында тікелей жалғаса ма деген мәселе талқылануда