Трамп: АҚШ Иранмен келісім жасалмаса, ең жақсы қаруды қолдануға дайын

АҚШ президенті Дональд Трамп Иран төңірегіндегі шиеленіс аясында әскери дайындық күшейгенін мәлімдеді және келіссөздер нәтиже бермесе, күш қолдану мүмкіндігін жоққа шығармады Бұл туралы ол "The New York Post" газетіне берген сұхбатында айтты, деп хабарлайды "Report" Оның айтуынша, АҚШ әскери кемелері бұрын-соңды жасалған ең жақсы қару-жарақпен жабдықталған «Біз кемелерге бұрын-соңды жасалған ең жақсы қаруларды тиеп жатырмыз... Егер келісім орындалмаса, біз оны өте тиімді пайдаланамыз», - деді Трамп Ол алдағы күннің ішінде Иранмен келіссөздердің сәтті болатыны белгілі болатындығын атап өтті. «Бұл шамамен 24 сағаттан кейін белгілі болады», - деді ол Еске сала кетейік, АҚШ пен Израиль 28 ақпанда Иранға қарсы әскери операциясын бастап, нәтижесінде Иранның жоғарғы жетекшісі аятолла Әли Хаменеи мен бірқатар жоғары лауазымды шенеунік қаза тапқан болатын. Осыдан кейін Иран Израильмен бірге АҚШ пен оның одақтастарының әскери базалары орналасқан Сауд Арабиясы, Катар, Біріккен Араб Әмірліктері, Оман, Бахрейн, Ирак және Кипрде анықталған нысандарға шабуыл жасай бастады. Сәуірдің 8-і күні Иран мен АҚШ және олардың одақтастары екі апталық атысты тоқтату туралы келісімге келді Айта кетейік, АҚШ пен Иран арасындағы келіссөз 11 сәуірде Пәкістанда өтеді Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет