Арыстағы қайғылы оқиға: мас күйінде көлік жүргізген әйел балалар мен жүкті әйелдің өмірін қиды

Арыстағы қайғылы оқиғаның мән-жайы белгілі болды, мас әйел көлігін басқара алмай, қоршау жанындағы орындықта отырған адамдарды қағып кеткен. Екі бала мен жүкті әйел қайтыс болды Otyrar.kz хабарлағандай, қайғылы оқиғаға кінәлі мектептің бірінің мұғалімі болып шықты Қайғылы оқиға маусымның 6-сы күні кешкі уақытта болды. Жақындарынан айырылған көршілес екі отбасы әлі күнге дейін есін жинай алмай жатыр. Куәгерлердің айтуынша, көлік қатты жылдамдықпен қоршауды соғып, кейін адамдар отырған орындыққа соғылған. Бес адамды қағып кеткен жүргізуші оқиға орнынан қашып кеткен Марқұм әйелдің туысы Ғани Айдаров екі отбасының өмірін түбегейлі өзгерткен сұмдық секундтарды былай деп есіне алады: «Осында екі келіні отырған – менің туысым мен көршім. Олар сөйлесіп тұрған. Сол маңда үлкен туысымыз бар еді. Оны балалар шақырып алып, орнынан тұра бастағанда, сол кезде көлік соғылып қалды. Оның иығымыз сынып, қызымыз бен ұлымыздан айырылдық. Бес жасар қызымыз да үйіндінің астында қалып, келінімізді аулаға тастап кеткен Қайғылы оқиға көшеде ойнап жүрген балалардың көзінше болған. Марқұм әйелдің артында үш баласы қалды Екі зардап шегуші Арыс аудандық ауруханасына жеткізілді. Дәрігерлер 30 жастағы әйелдің жағдайын орташа ауыр деп бағалап отыр. Алайда оның бір жарым жасар баласының жағдайы әлі ауыр. Алған жарақатына байланысты сәби облыстық балалар ауруханасына жатқызылды Алынған жарақаттар мен науқастардың жағдайы туралы аудандық аурухананың дәрігері Айдар Акбаров баяндады: «30 жастағы науқастың жағдайы орташа ауырлықта.Оң жақ тізе буынының жабық сынығы және миы шайқалуы диагнозымен хирургиялық бөлімшеге жатқызылды.Қажетті медициналық көмек көрсетілді.Екінші науқас – бір жас алты айлық бала.Оның жағдайы ауыр, реанимацияға жатқызылды.Оған оң жақ сүйек миы мен жабық сүйек сынығы диагнозы қойылды. Қазіргі уақытта бала облыстық балалар ауруханасына жатқызылды» Түркістан облысының полиция департаментінің мәліметінше, жол апатына қатысты қылмыстық іс қозғалған. Бұған дейін JAC көлігінің жүргізушісі мас болғаны анықталды: «Оқиға орнына дереу жеткен полицейлер жедел іздестіру шараларының нәтижесінде күдікті ұсталып, уақытша ұстау изоляторына қамалды Қаза тапқандардың туыстары қайғылы оқиғаға кінәлі адамды кешіруге ниеттері жоқтығын айтады. Полиция жедел-тергеу тобы оқиғаның мән-жайын жан-жақты, толық және объективті тергеу жүргізіп жатқанын хабарлады. Тергеу қорытындысы бойынша тиісті процессуалдық шешім қабылданады