Тоқаев ДДҰ бас директорымен кездесті

Әңгімелесу барысында Қазақстан мен Дүниежүзілік денсаулық сақтау ұйымы арасындағы ынтымақтастықтың қазіргі жағдайы мен келешегі талқыланды, деп хабарлайды Ақорда Мемлекет басшысы Ұйыммен өзара іс-қимыл сапалы жаңа кезеңге көтерілгенін атап өтті, сондай-ақ ДДҰ-ға еліміздің жаһандық бастамаларына үздіксіз қолдау көрсеткені үшін алғыс білдірді Кездесуге қатысушылар климат және денсаулық саласында бірлескен зерттеулер жүргізу, цифрлық трансформация бастамаларын ілгерілету және денсаулық сақтау жүйесіне жасанды интеллект енгізу мәселелерін талқылады Тедрос Адханом Гебрейюс Қасым-Жомарт Тоқаевқа Аймақтық экологиялық саммитке қатысуға шақырғаны үшін алғыс айтты. ДДҰ басшысы Қазақстанның экономикалық ілгерілеуін және Жаңа Конституцияның қабылдануының арқасында жүзеге асырылған табысты саяси қайта құруларды атап өтті. Оның айтуынша, ДДҰ Астананың өңірлік және халықаралық деңгейде экологиялық және су қауіпсіздігін қамтамасыз етуге бағытталған күш-жігерін құптайды Соңында Бас директор Мемлекет басшысына біздің елімізге ДДҰ-ның дәрілік заттарды реттеу саласындағы жетілу 3-деңгейі берілгенін растайтын хат тапсырды, бұл ұлттық бақылау жүйесінің сенімділігін мойындауды білдіреді. Қазақстан бұл деңгейге қол жеткізген ТМД-дағы бірінші және ДДҰ Еуропалық аймағында төртінші мемлекет болды