Тоқаев Астанада Кипр Президентімен кездесті: Тәуелсіздік сарайында ресми рәсім өтті

Ақорданың баспасөз қызметі хабарлағандай, салтанатты шара барысында мемлекет басшылары бір-бірін ресми делегация мүшелерімен таныстырды. Құрметті қарауыл ротасы бастығының құттықтау рапортынан кейін Қазақстан мен Кипрдің мемлекеттік әнұрандары шырқалды Никос Христодулидестің Қазақстанға сапары ресми іс-шаралар басталмай тұрып-ақ назар аударды. Кипр Президенті қазақстандық Air Astana әуе компаниясы ашқан Ларнака-Астана жаңа бағыты бойынша алғашқы жолаушылардың бірі болып, Астанаға жолаушылар рейсімен келді Тасымалдаушының хабарлауынша, Христодулидес ресми сапары аясында 2 маусымда Ларнакадан жаңа тікелей рейспен Қазақстанға ұшқан. Осылайша, Кипр мемлекетінің басшысы екі ел арасындағы жаңа әуе қатынасының алғашқы жолаушылардың бірі болды Сапар барысында тараптар екіжақты ынтымақтастық мәселелерін және Қазақстан мен Кипр арасындағы қарым-қатынастарды одан әрі дамыту перспективаларын талқылайды деп күтілуде