Тоқаев Қауіпсіздік кеңесінің отырысын өткізді

Мемлекет басшысы Қасым-Жомарт Тоқаевтың төрағалығымен Қазақстан Республикасы Қауіпсіздік кеңесінің отырысы өтті. Үкімет мүшелері ғарыш саласының жай-күйі, жүзеге асырылып жатқан жобалар мен оны дамыту перспективалары туралы баяндады, деп хабарлайды Ақорданың баспасөз қызметі Мемлекет басшысы өз сөзінде ғарыш саласының стратегиялық маңыздылығына тоқталып, спутниктік байланыс пен ғарыш инфрақұрылымының тұрақты жұмыс істеуін қамтамасыз етуге ерекше назар аударды Премьер-Министрдің орынбасары – Жасанды интеллект және цифрлық даму министрі Жаслан Мәдиев экономика мен мемлекеттік басқару мүддесі үшін спутниктік жүйелерді дамытуға, ғарыш инфрақұрылымын жақсартуға және ғарыш деректеріне негізделген қолданбалы шешімдерді енгізуге бағытталған ғарыш саласының негізгі жобаларын іске асыру туралы ақпаратты таныстырды "Қасым-Жомарт Тоқаев жаһандық ғарыш саласы түбегейлі өзгерістерге ұшырап жатқанын атап өтті. Оның айтуынша, ғарыш қызметі ұлы державалардың "жабық клубының" домені болған дәуір өткеннің еншісінде. Бүгінде жеке компаниялар қолданбалы салаларды, соның ішінде байланыс, хабар тарату, навигация, ғарыштық мониторинг, ғылыми зерттеулер мен интернетке қолжетімділікті қамтамасыз етуді қолға алып, белсенді түрде дамытып жатыр", - деді А Ғарыш ғылымының дамуы бөлек талқыланды. Ғылыми зерттеулерді, оның ішінде астрофизика саласында одан әрі қолдау көрсету қажеттігі атап өтілді. Ұлттық технологиялық және инженерлік әлеуетті нығайтудың маңызды кезеңі болған «Бәйтерек» жобасын іске асыру оң бағаланды Мемлекет басшысы халықаралық ынтымақтастықтың перспективаларына да тоқталып, Ресей Федерациясымен және басқа да шетелдік әріптестермен стратегиялық өзара іс-қимылды дамыту қажеттігін атап өтті. Байқоңыр қаласы мен оның маңындағы аудандарда тұратын азаматтардың әлеуметтік-тұрмыстық жағдайын жақсартудың маңыздылығы атап өтілді Отырыс қорытындысы бойынша үкіметке ғарыш саласын жаңғыртуға және оның әлеуетін мемлекет мүддесі үшін пайдалану тиімділігін арттыруға бағытталған бірқатар нақты тапсырмалар берілді Informburo.kz сайтынан сәйкес тақырыптар бойынша жаңалықтар мен материалдар