Тоқаев Трампты туған күнімен құттықтады

Мемлекет басшысы Америка Құрама Штаттарының Президенті Дональд Трампты туған күнімен құттықтады, деп хабарлайды Ақорда. Қасым-Жомарт Тоқаев өз жолдауында Қазақстанның Америка Құрама Штаттарымен кеңейтілген стратегиялық әріптестікті одан әрі нығайтуға бейілділігін қуаттап, саяси диалогтың жоғары деңгейін, сондай-ақ екі ел арасындағы сауда-экономикалық және инвестициялық ынтымақтастықтың қарқынды дамып келе жатқанын атап өтті. Мемлекет басшысы Қазақстанның бейбітшілікті, өзара түсіністік пен тұрақты дамуды нығайтуға бағытталған бастамаларды ілгерілету бойынша бірлескен жұмысты жалғастыруға дайын екенін атап өтті. Қасым-Жомарт Тоқаев Дональд Трампқа амандық және Америка халқының игілігі жолындағы жауапты мемлекеттік қызметінде одан әрі табыс тіледі Сондай-ақ оқыңыз: Тоқаев Король III Карлды туған күнімен құттықтады Informburo.kz сайтынан сәйкес тақырыптар бойынша жаңалықтар мен материалдар