Тоқаев қазақстандықтарға өздерінің конституциялық міндеттерін еске салды

Қазақстан Республикасының Президенті Қасым-Жомарт Тоқаев Қазақстан халқын Отан қорғаушылар күнімен құттықтады Ақорданың хабарлауынша, құттықтауда: «Құрметті қазақстандықтар! Сіздерді Отан қорғаушылар күнімен құттықтаймыз! Бұл мерекенің сарбаздарымыздың ержүректілігін, ғажайып қайсарлығы мен жанқиярлығын танытатын ерекше мемлекеттік және қоғамдық мәні бар Ол Отан игілігі үшін қызмет еткен және қызмет етіп жатқан әрбір адамның басын біріктіріп, Қазақстанның бейбіт аспаны, аумақтық тұтастығы, тұрақтылығы мен қауіпсіздігі үшін күні-түні күзетеді Жауынгерлеріміз бен қолбасшыларымыз батыр бабаларының даңқты дәстүрлерін жалғастырып, шынайы патриотизмнің жарқын үлгісін көрсетуде Бітімгершілік миссияларды, арнайы оқу-жаттығуларды, түрлі халықаралық жарыстарды өткізу кезінде еліміздің барлық құқық қорғау органдарының сарбаздары мен офицерлері, қызметкерлері әрдайым жоғары кәсібилікті, тәртіпті, жауынгерлік дайындықты көрсетіп, ең күрделі тапсырмаларды орындауға дайын екендіктерін растайды Мемлекет қорғаныс қабілетін арттыруға және әскери қызметкерлерге жан-жақты қолдау көрсетуге әрқашан басымдық береді Жаңа Конституцияда «Қазақстан Республикасын қорғау – оның әрбір азаматының қасиетті борышы әрі міндеті» деп нақты көрсетілген Бұл сөздерде ел мен халықтың ажырамас байланысын, Отан тағдыры үшін әркімнің жауапкершілігін көрсететін терең мағына жатыр Отанға қызмет етудің асыл мұраттары мен озық конституциялық құндылықтарға сүйене отырып, біз сан ғасырлық мемлекеттігіміздің іргетасын нығайтып, әділ, қуатты, қауіпсіз Қазақстанды құрудағы биік мақсатқа жететінімізге сенімдімін Отан қорғаушыларға табандылығы, үлгілі қызметі және антына адалдығы үшін алғыс айтамын! Барша азаматтарға зор денсаулық, бақ-береке және шығармашылық бастамаларына табыс тілеймін! Армия мен халықтың мызғымас бірлігі нығая берсін! Қасиетті Тәуелсіздігіміз мызғымас болсын!»