«Білім берудегі әлеуметтік жұмыс» аясында 460 баланың сабаққа қатысуы қалпына келтірілді

Еңбек және халықты әлеуметтік қорғау министрлігіне қарасты Әлеуметтік қызмет көрсету агенттігінің «Білім берудегі әлеуметтік жұмыс» қызметі аясында әлеуметтік қызметкерлер өткен кезеңде барлығы 1349 мектепті аралады Бұл туралы APA-ға Білім және мәдениет министрлігі хабарлады Агенттік пен Ғылым және білім министрлігіне қарасты Мектепке дейінгі және жалпы білім беру мемлекеттік агенттігінің ынтымақтастығы аясында 2023 жылдан бастап жүзеге асырылып келе жатқан осы қызмет аясында қиын өмірлік жағдайға душар болу қаупі бар балаларды анықтау және олармен әлеуметтік-психологиялық жұмыс жүргізілуде "Өткен кезеңде мектептегі 5399 балаға алдын ала бағалау жүргізілді. Жағдайы аса қауіпті деп танылған 2036 баланың отбасына бару арқылы егжей-тегжейлі бағалау жүргізілді. Нәтижесінде балалардың отбасымен әлеуметтік жұмыстар жүргізіліп, тәуекел тобына жататын 460 баланың сабаққа қатысуы қалпына келтірілді Қараусыз және ата-анасының қамқорлығынсыз қалған балалар Агенттіктің тиісті «Балалар үйі» әлеуметтік қызмет көрсету мекемесіне орналастырылды, ал кейбіреулері жеке оқытуға жіберілді. Сондай-ақ сөйлеу және коммуникацияда ақаулары бар 123 бала логопедиялық қызметке тартылды. 124 отбасы министрлікке қарасты тиісті мекемелерге жолданып, әлеуметтік мәселелерін шешуге қолдау көрсетілді Сондай-ақ түрлі тақырыптарда (бала құқығы, отбасы құндылықтары, ерте неке, тұрмыстық зорлық-зомбылық, зиянды әдеттер, психикалық денсаулықты қорғау, т.б.) танымдық кездесулер өткізілді «Білім берудегі әлеуметтік жұмыс» қызметі аясында жүргізіліп жатқан жұмыстар балаларға көңіл бөлу мен қамқорлық көрсетуге, оларға қатысты қатыгездік пен зорлық-зомбылықтың алдын алуға, осы саладағы ақпараттандыруды арттыруға бағытталған», - делінген хабарламада