Жастарды жауапты қызметке тағайындаудан қорықпау керек – Елбасы

Өзбекстанда талантты жастар көп. Министрлер мен әкімдер жастарға сенім артып, жауапты қызметтерге тағайындаудан қорықпауы керек. Бұл туралы бүгін, 30 маусымда жастармен кездесуінде президент Шавкат Мирзиёев айтты Жастарға кәсіп пен тіл үйрену, жұмыспен қамту және кәсіпкерлік сияқты салаларда ондаған қызмет түрлері бар екені айтылды. Бұл қызметтерге «бір терезе» қағидаты бойынша қол жеткізу үшін жастар хабтары құрылады. Бұл тәжірибе Сұрхандариядан басталып, бірте-бірте басқа өңірлерге де таратылады Қазіргі таңда еліміздегі 87 мың мемлекеттік қызметшінің 16 500-і 30 жасқа толмағандар. Оның 902-сі басшылық қызметте жұмыс істейді «Бізде талантты жастар көп, министрлер мен әкімдер жастарға сенім артып, оларды жауапты қызметтерге тағайындаудан қорықпауы керек», - деді Мемлекет басшысы Осы мақсатта жас көшбасшыларды анықтау үшін бес бағыт бойынша ТОП-100 бағдарламасы жүзеге асырылмақ. Бағдарлама аясында Өзбекстандағы жастар мен шетелдегі отандастар үшін жаңа экономика, IT және жасанды интеллект, білім, медицина және ауыл шаруашылығы салаларында ашық конкурс жарияланады Байқау екі жылда бір рет өткізілетін болады. Оның 100 жеңімпазы әрқайсысы 50 миллион сумнан алады және басшылық лауазымдарға тағайындалады Әр министрлік пен сала өз саласы бойынша ТОП-100 дарынды жастар бағдарламасын ашып, іріктелген жастарды тиісті халықаралық ұйымдарға тәжірибеден өтуге жібереді Шенеуніктерге жылына 2000 жасты халықаралық ұйымдарға тағылымдамадан өтуге жіберу жоспарын бекітіп, орындалуын қамтамасыз ету тапсырылды