Тар бөлмелер, ортақ дәретхана: Атыраудағы бейімдеу орталығы басқа ғимаратқа көшірілді

Бұған дейін орталық Атырау қаласындағы Авангард шағын ауданында орналасқан. Алайда, жыл басында облыс прокурорының тапсырмасымен аталған нысанда кешенді тексеру жүргізіліп, бірқатар заң бұзушылықтар анықталды. Атырау қаласының прокуроры Мерген Меңдіғалиевтің айтуынша, бұрынғы ғимарат қазіргі талаптарға толық сәйкес келмеген — Бұрынғы ғимарат бірқатар талаптарға сай келмеді. Аталған факті бойынша прокурорлық қадағалау актісі енгізілді. Нәтижесінде балалар осында уақытша ауыстырылды. «Мұнда балалардың қауіпсіздігі мен бос уақытын тиімді ұйымдастыру үшін барлық жағдай жасалған», - деді ол Тексеру барысында ғимараттың тым тарлығы, асхананың санитарлық талаптарға сай келмейтіні, ұл-қыздардың ортақ дәретханасы, ойын алаңдары дұрыс жабдықталмағаны, бір балаға шаққандағы жер көлемі нормадан төмен екені анықталды. Сондай-ақ өрт қауіпсіздігі талаптары толық сақталмағаны белгілі болды Қазір орталық қызметкерлері жаңа ғимарат құрылысының басталуын күтіп отыр. Бұған дейін облыстық білім басқармасының басшысы Марат Әбуов «Жұлдыз-2» шағын ауданында кәмелетке толмағандарды бейімдеу орталығына арналған жаңа ғимарат салынатынын хабарлаған болатын Қазіргі таңда нысанның жобалық-сметалық құжаттары әзірленіп, мемлекеттік сараптамадан өтуде Бұған дейін бұл орталықтан балалардың қашу оқиғасы да тіркелген болатын