Өзбекстанда шілде айында ауа температурасы нормадан жоғары болады

Өзбекстанда биылғы жылдың шілде айында ауа температурасы нормадан жоғары болып, кейбір аудандарда Цельсий бойынша 45 градусқа дейін жетеді деп күтілуде. Бұл туралы Өзгидромет жариялаған ауа райы болжамында айтылған Болжам бойынша, шілденің алғашқы бес күнінде күндізгі ауа температурасы 30-35 градус шамасында, оңтүстікте 36-39 градус жылы болады. Одан кейін ауа температурасы біртіндеп көтеріліп, айдың бірінші онкүндігінің соңына қарай 37-40 градусқа дейін, оңтүстік облыстарда 41-43 градусқа жетеді Айдың қалған уақытында күндізгі температура негізінен 33-43 градус аралығында болады. Еліміздің солтүстік, шөлейт және оңтүстік облыстарының кей жерлерінде ауа температурасы 45 градусқа дейін көтерілуі мүмкін. Ауа температурасы түнде 20-25 градус шамасында, оңтүстікте 25-27 градус жылы, солтүстік және шөлейтті аймақтарда 27-30 градус жылы болады деп күтілуде Өзгидрометтің мәліметінше, шілде айының орташа температурасы климаттық нормадан 1,5-2 градусқа жоғары болады. Оңтүстікте бұл көрсеткіш 2-2,5 градус болады деп болжанса, солтүстік және шөлейтті аймақтарда 2,5-3 градусқа жетуі мүмкін Шілдеде республиканың басым бөлігінде құрғақ ауа райы сақталады. Тек кей күндері тау бөктерінде және таулы аймақтарда қысқа мерзімді жаңбыр жауып, найзағай ойнауы мүмкін. Айлық жауын-шашын нормадан төмен болады деп күтілуде Бұған дейін Ташкентте 29 маусымда қатты желдің салдарынан шаң көтерілуі мүмкін екені хабарланған болатын