Тау шатқалынан таңбалы тастар табылды

Жамбыл облысындағы Жуалы ауданынан қола дәуірі мен түркі кезеңіне тән мың жарымға жуық таңбалы тастардың қалың шоғыры анықталды. Ғалымдар жартастағы жазуларды Кіші Қаратау жотасы бойындағы Бұрхансай шатқалынан тауып отыр. Ғылым тілінде петроглифтер деп аталатын көне суреттер б.з.д мың жыл бұрын салынған дейді зерттеушілер 8 шақырымға созылған Бұрхансай шатқалы бойынан қол дәуірінен бастап темір, түркі кезеңіне дейінгі суреттер сыр шертеді. Жуалы тауларында алғаш рет 54 жыл бұрын кеңестік археологтар петроглифтер таба бастаған. Ал Күркіреу су ауылы маңына 2006 жылы Тұран археологиялық экспедициясы алғаш рет табан тіреп, бірсыпыра таңбалы тастарды тапқан. Бірақ шатқал толық зерттелмегендіктен, 18 жылдан кейін келген ғалымдар 1200-ден аса жартас суретін анықтап отыр Данияр Әлімқұл, тілші: Ғалымдар осы топырақта билік құрған көсемнің немесе батырдың есімі біздің заманымыздағы 8-10 ғасыр аралығында жазылуы мүмкін дейді. Ал қаріптері түркілердің Көне руна жазуының оңтүстікке тән Талас тармағымен жазылғанын шетелдік ғалымдар да мойындаған Ералы Ақынбек, Ә.Марғұлан атындағы археология институтының жетекші ғылыми қызметкері, PhD докторы: Әсіресе тастарда тау ешкілердің суреті көп. Олар кейінгі қола дәуірі мен ерте темір және түркі кезеңіне жатады. Сондай-ақ бір өркешті түйелердің бейнесі басым. Ал суреттерде бұғы аулау сәті көп кездескендіктен сақ дәуірі мен қаңлы кезеңінен хабар беретінін айтады Борис Железняков, Ә.Марғұлан атындағы археология институтының жетекші ғылыми қызметкері: Өкініштісі кейбір таңбалы тастар құрылыс пен жол салу жұмысына пайдаланылғанын айтады. Енді мұндайға жол бермес үшін ғалымдар мемлекет қорғауына алдыруды мақсат тұтып, ашық аспан астындағы музейге айналдыруды көздеп отыр