Талибан шенеуніктерге және қозғалыс мүшелеріне смартфон пайдалануға тыйым салды

«Талибан» радикалды қозғалысының жетекшісі Хибатулла Ахунзада Ауғанстанда қозғалыс мүшелері мен мемлекеттік қызметкерлердің смартфон пайдалануына тыйым салуды бұйырды. Бұл туралы Ауғанстан халықаралық ұйымы мен бірқатар ауғандық БАҚ Талибан әскери соттарына жіберілген құжатқа сілтеме жасап хабарлады Құжатқа сәйкес, тыйымның орындалуын бақылау еліміздің әртүрлі аймақтарындағы әскери соттарға жүктелген. Тәртіп бұзған тұлғалар қылмыстық жауапкершілікке тартылып, әскери соттарға жіберіледі. Алайда жарияланған материалдарда тыйымды бұзғандарға қандай жаза қарастырылғаны көрсетілмеген «Afganistan International» агенттігінің хабарлауынша, бұйрықтың орындалуын бақылау үшін мемлекеттік органдардың лауазымды тұлғалары мен қызметкерлерінің лауазымдары, қызметтік міндеттері, телефон нөмірлері мен байланыс операторлары көрсетілген тізімдері жасалған KabulNow агенттігінің хабарлауынша, Ахунзада бұл бұйрықты қозғалыстың әскери соттары, полиция және барлау құрылымдарының басшыларымен кездесуі кезінде берген. Бұйрық жарияланғаннан кейін әлеуметтік желілерде кейбір Талибан мүшелерінің смартфондарын қиратып жатқанын көрсететін видеолар пайда болды Бұл тыйым заманауи байланыс құралдарына қол жеткізуді шектеу саясатының келесі қадамы болды. Бұған дейін Ауғанстан билігі университеттер мен діни оқу орындарында смартфондарды пайдалануға шектеу қойған болатын. 2025 жылдың қазан айында Жоғары білім министрлігі студенттерге, кейбір мұғалімдерге және әкімшілік қызметкерлерге сабақ уақытында смартфон пайдалануға тыйым салды Соңғы жылдары Талибан басшылығы бірнеше рет смартфондар мен интернетті пайдалануды азайтуды жақтады. Кейбір провинциялар қазірдің өзінде құжаттар мен ресми ақпараттың сыртқа шығуын болдырмау желеуімен мемлекеттік органдарда смартфондарды пайдалануға шектеулер енгізген Azattyk Asia © 2026 Азаттық радиосы, Inc. | Барлық құқықтар қорғалған