Сот Шымбұлаққа көліктердің кіруіне шектеу қоюды Конституцияға қайшы деп таныды

Қарауға Іле-Алатау ұлттық табиғи паркі аумағында орналасқан Тұйықсу тракті тұрғынының өтініші себеп болды. Оның үйіне Медеу – Шымбұлақ жолының бойындағы Шымбұлақ арқылы жетуге болады, алайда Тұйықсуға асфальт жолдың жоқтығынан көлікті пайдалану қажет болып отыр. Арызданушының айтуынша, қазіргі шектеу баспанаға қол жеткізуді қиындатып, еркін жүру құқығын шектеді Тексеру барысында сот Алматы қаласы әкімдігінің 2016 жылғы 8 сәуірдегі No 2/122 «Алматы қаласының жекелеген аумақтарына көлік құралдарының кіруіне шектеу қою туралы» қаулысының 1 тармағын зерттеді. Құжатта Шымбұлақ трактісінің ерекше қорғалатын табиғи аймағының аумағына электрмен жүретін көліктерді қоспағанда, көлік құралдарының кіруіне тыйым салынды Конституциялық сот мемлекеттің қоршаған ортаны және ерекше қорғалатын табиғи аумақтарды қорғауға шектеулер енгізуге құқығы бар екенін атап өтті. Бірақ мұндай шаралар мемлекеттік органдардың өкілеттігі шегінде қабылдануы және Конституция талаптарына сәйкес болуы тиіс Сот экологиялық кодексте мұндай аумақтарға көлік құралдарының кіруіне шектеу қою және жергілікті өкілді органдар – мәслихаттардың құзыреті шегінде тиісті нормативтік құқықтық актілерді қабылдау өкілеттігі берілгенін анықтады. Демек, Алматы әкімдігіне даулы қаулыны қабылдау құқығы берілмеді Сонымен бірге, сот атқарушы органдар жол қозғалысы және қоршаған ортаны қорғау заңнамасы аясында қаланың жекелеген аудандарында көлік қозғалысына шектеулер енгізе алатынын көрсетті. Алайда мұндай шаралар азаматтардың құқықтары мен заңды мүдделерін ескеріп, оларға шектен тыс шектеулер қоймауы тиіс Қарау қорытындысы бойынша Конституциялық Сот Алматы қаласы әкімдігінің 2016 жылғы 8 сәуірдегі № 2/122 қаулысының 1-тармағын Қазақстан Республикасының Конституциясына сәйкес келмейді деп таныды Бұған дейін Шымбұлақ тау курортында тікұшақ пен басқа да заманауи құтқару құралдарының қатысуымен бірегей жаттығулар өткен болатын