Қазақстанда ымдау тілінің мәртебесі ресми түрде бекітілуі мүмкін

Оның айтуынша, ымдау тілін заңнамалық деңгейде мойындау есту қабілеті бұзылған адамдардың мәселелерін одан әрі шешуге негіз болады — Бұл бағытта ең маңызды қадам жасалды. Егер біз ымдау тілінің мәртебесін заңнамалық деңгейде қамтамасыз етсек, бұл барлық басқа мәселелерді шешудің бастапқы нүктесі болады», - деді депутат Екатерина Смолякова атап өткендей, бүгінде есту қабілеті нашар адамдар білім алуда, жұмысқа орналасуда, мемлекеттік қызметтерді алуда, сондай-ақ мәдени және спорттық шараларға қол жеткізуде қиындықтарға тап болуда Депутаттың айтуынша, еліміздің жоғары оқу орындарында есту қабілеті бұзылған 180-ге жуық студент, колледждерде 584 адам білім алуда, ал бұл санаттағы азаматтардың жалпы саны 32 мыңға жуық адамды құрайды — Халықтың басым бөлігі білім беру қызметін алмайды екен. Жұмыспен қамту мәселесі де өзекті күйінде қалып отыр, өйткені адамдар кәсіп пен біліктілікке ие болмай еңбек нарығынан шығып кетеді, - деді ол Кездесуге қатысушылар мектептегі білім беру мәселелеріне ерекше назар аударды. Депутаттың айтуынша, бірқатар жағдайларда есту қабілеті бұзылған балаларға оқу процесінде ымдау тілін қолдануға шектеу қойылады Сонымен қатар, елімізде мамандандырылған мамандардың тапшылығы сақталуда. Қазір Қазақстанда бар болғаны 24 сурдоаудармашы сертификатталған, ал соңғы бес жылда 295 сурдоаудармашы оқытылды «Бұл цифрлардың барлығы орасан зор тапшылықты, осы санаттағы адамдардың қажеттіліктері мен бүгінгі біздің мүмкіндіктеріміз арасындағы алшақтықты көрсетеді. Сондықтан біз бұл мәселені назарға алуды жөн көрдік», — деді Екатерина Смолякова Ол сондай-ақ Әлеуметтік кодексте ымдау тілі түсінігі мен оның мақсатын анықтайтын нормалар енгізілгенін еске салды. Түзетулерді Сенат қабылдағаннан кейін заңнаманы жетілдіру жұмыстары жалғасады «Тілдің өзі заңнамалық деңгейде бекітілсе, «Тіл туралы», «Білім туралы» және басқа да салалық заңдарға тиісті нормаларды енгізуге болады», - деп қосты депутат Фракция отырысының қорытындылары бойынша әзірленген ұсыныстарды Қазақстан Республикасы Премьер-Министрінің қарауына жолдау жоспарлануда Бұған дейін Jibek Joly телеарнасының сурдоаудармашысымен сұхбатта сурдоаударма тілі қалай «жұмыс істейтіні» туралы айтылған болатын