Жайық маңына төгілген медициналық қалдықтардың кімге тиесілі екені белгілі болды

Бұл туралы Батыс Қазақстан облысы бойынша санитарлық-эпидемиологиялық бақылау департаментінің басшысы Динара Жаңабергенова хабарлады Бұған дейін әлеуметтік желіде ашық жерге лақтырылған медициналық қалдықтар мен қан сауыттары бейнеленген видео тараған болатын Оқиғадан кейін санитарлық-эпидемиологиялық қызмет мамандары, полиция қызметкерлері мен табиғатты қорғау органдарының өкілдері бірлесіп тексеріс жүргізіп, қалдықтардың шығу тегін, сондай-ақ оның қоршаған ортаға тигізуі мүмкін әсерін зерттеуге кірісті Басқарма басшысы Динара Жаңабергенованың айтуынша, оқиға орнынан барлығы 144 бірлік медициналық қалдықтар табылған — Тәртіп сақшылары, экология департаментінің мамандары және біздің қызметкерлер оқиға орнында бірлесіп тексеру жүргізді. 144 медициналық қалдықтар анықталды. Полиция қызметкерлерімен бірге барлық табылған материалдар тәркіленді. Сонымен қатар, осы аумақтан топырақ үлгілері алынып, микробиологиялық зерттеуге жіберілді. Бастапқы талдаулардың нәтижелері бойынша оң көрсеткіштер (яғни қауіпті инфекция белгілері) анықталған жоқ, бірақ зерттеу жұмыстары әлі де жалғасуда, деді ол Jibek Joly телеарнасының Bugin LIVE бағдарламасында Маманның айтуынша, медициналық қалдықтар қоршаған ортаға қауіп төндіретіндіктен, ол табылған жерде дереу залалсыздандыру шаралары жүргізілген — Бұл биологиялық материалдар қоршаған ортаға зиян тигізуі мүмкін. Сондықтан медициналық қалдықтар анықталған аумақта толық залалсыздандыру жұмыстары жүргізілді. Қазіргі уақытта ықтимал қауіптің алдын алу бойынша барлық қажетті шаралар аяқталып, ластану көзі толығымен өңделді», — деді Динара Жаңабергенова Тексеру барысында анықталған қалдықтар Орал қаласындағы No1, No2 және No4 емханаларға тиесілі екені анықталды. Алайда, осы кезеңде аталған емдеу мекемелерінің заңды бұзу фактілері анықталған жоқ — Емханалар медициналық қалдықтарды жасалған келісімдер негізінде оларды кәдеге жаратумен айналысатын мамандандырылған кәсіпорындарға береді. Қазіргі уақытта тергеу аясында оқиғаның барлық мән-жайы анықталуда. Медициналық қалдықтарды жоюмен айналысатын ұйымдардың қызметі қатаң бақылауға алынып, заң аясында қажетті шаралар қабылданады, дейді санитарлық-эпидемиологиялық қызметтің өкілі Динара Жаңабергенова Бұған дейін Денсаулық сақтау министрлігі Батыс Қазақстан облысында анықталған медициналық қалдықтардың заңсыз төгілуіне қатысты тергеу жұмыстары ерекше бақылауға алынғанын хабарлаған болатын