Ақмола облысында демеуші есебінен спорт кешені ашылды

Берсуат ауылында жаңа дене шынықтыру-сауықтыру кешені ашылды. Спорт нысаны ауыл шаруашылығы кәсіпорнының демеушілік қаражатына салынды, деп хабарлайды облыс әкімдігінің баспасөз қызметі Берсуатта 700-ден астам адам тұрса, оның 180-і жастар. Ауданы 315 шаршы метрден асатын жаңа фитнес-орталық бір мезгілде 100 адамға дейін келуге арналған. Көпсалалы залда мини-футбол, волейбол, баскетбол және дзюдомен айналысуға болады Ашылу салтанатында Ақмола облысының әкімі Марат Ахметжанов тұрғындарды құттықтап, ауылдық жерлердегі қолжетімді спорт инфрақұрылымы бизнестің әлеуметтік жауапкершілігі екеніне тоқталды. Аймақ басшысы сонымен қатар жақын маңда волейбол, футбол, баскетбол және воркаут алаңдары бар көпсалалы спорт алаңын салуды тапсырды Бұл ретте ауылда басқа да жұмыстар атқарылды: 15 шақырымдық кіреберіс жол пайдалануға берілді, көше шамдары жаңартылды, стадионға жарықтандыру бағаналары орнатылды Informburo.kz сайтынан сәйкес тақырыптар бойынша жаңалықтар мен материалдар