Атыраулық құтқарушы салмағы 165 тонна 7 вагонды сүйретіп, ел рекордын жаңартты

Құрманғазин ауданының теміржол вокзалында рекордтық жетістік тіркелді. Ерсейіт Бралин көліктерді 9 метр 75 сантиметрлік қашықтыққа сүйреп өте алды. Шараға аудан тұрғындары құтқарушыны қолдауға жиналды 36 жастағы Ерсейіт Бралин жедел жәрдем жүйесінде 2013 жылдан бері қызмет етіп келеді — Ерсейіт Бралин қызметімен қатар спортта жоғары нәтижелерге қол жеткізді. Пауэрлифтингтен халықаралық және республикалық жарыстардың жүлдегері, 2023 жылы Қазақстан Республикасының спорт шебері атағын алды. 2024 жылы Қырғызстанда өткен әлем чемпионатында 100 келі салмақ дәрежесінде әлем чемпионы атанып, сол жылы салмағы 94 тонналық арбаны сүйретіп, рекорд орнатқан. 2025 жылы Азия чемпионатында 1 орын, әлем чемпионатында 3 орын алды. 2026 жылы Қазақстан чемпионатында жеңімпаз атанды, деп хабарлады облыстық Төтенше жағдайлар департаментінің баспасөз қызметі Бұған дейін астаналық мұғалім салмағы 13,5 тонналық автобусты сүйреп әлемдік рекорд орнатқан болатын