Мемлекеттің 2025 жылға арналған әлеуметтік міндеттемелері толығымен орындалды - ҚР Қаржы министрлігі

Ведомство басшысы Мәжіліс депутаттарына 2025 жылға арналған бюджеттің атқарылуы туралы есеп берді — Республикалық бюджет шығыстары 99 пайызға орындалып, 25,5 триллион теңгені құрады. Үкімет тарапынан барлық әлеуметтік міндеттемелер орындалды. Өңірлерді қолдауға 7,7 трлн теңге, әлеуметтік салаға 9,3 трлн теңге бөлінді, деді министр Ұлттық жобалар аясында елімізде 198 мектеп пен 655 денсаулық сақтау нысанының құрылысы аяқталды. Сондай-ақ студенттер үшін 10 мыңнан астам орындық 30 жатақхана пайдалануға берілді Барлық қаржыландыру көздері есебінен салынып біткен тұрғын үй көлемі 20,1 млн шаршы метрге жетті. Халықтың әлеуметтік осал санаттары үшін 5 141 пәтер сатып алынды Инженерлік инфрақұрылымды дамыту жалғасты. Жыл ішінде 980,5 шақырым инженерлік-коммуникациялық желілер тартылып, 6,3 мың шақырым су құбыры және кәріз желілері салынды және жөнделді Көлік саласына қомақты қаржы бөлінді. Жұмыс 13 мың шақырымға жуық жолды қамтыды, оның 9 мың шақырымы республикалық және тағы 4 мың шақырымы жергілікті маңызы бар жолдарда Сонымен қатар, мемлекет әлеуметтік маңызы бар теміржол және әуе жолдарын субсидиялауды жалғастырды. 62 облысаралық теміржол бағыты бойынша 16,2 млн жолаушы тасымалданса, 26 субсидияланатын әуе бағыты бойынша 520 мың адам тасымалданған Ауыл шаруашылығы саласына ерекше көңіл бөлінді. 2025 жылы оны қолдауға 1,1 триллион теңге бөлінді, бұл бір жыл бұрынғыдан 172 миллиард теңгеге көп — Үкімет үшін бюджеттің атқарылуын тек шығыстар пайызымен ғана бағаламау маңызды. Басты критерий – азаматтар, бизнес және өңірлер үшін нақты нәтиже, деді Тәкиев Бұрын хабарланғандай, Қазақстан экономикасының өсуі, теңге бағамының нығаюы және бағалы металдар бағасының өсуі бюджет кірісінің артуына себеп болды