Астанада көпірде адам өліміне әкелген апат: сот үкім шығарды

Астанада Сарайшық көпірінде екі адамның өліміне әкеп соқтырған жол-көлік оқиғасы үшін жүргізуші бес жылға бас бостандығынан айырылды, деп хабарлады соттың баспасөз қызметі Оқиға қаңтар айында болған. Жүргізуші Түркістан көшесінен Момышұлы бағытында Сарайшық көпірімен келе жатқан. Сот оның учаскедегі қозғалыс қарқындылығын ескермегенін, жылдамдықты төмендетпегенін және көлікті басқара алмағанын анықтады. Ер адам жол ережесін бұзып, қарсы жолаққа шығып кетіп, басқа көлікпен соқтығысқан. Апат салдарынан екі жолаушы қаза тапты "Жауапкершілік пен жазаны жеңілдететін мән-жайларға шын жүректен өкіну, кінәсін толық мойындау және жәбірленушілерге келтірілген зиянды өтеу жатады. Жүргізуші зардап шеккендердің туыстарынан кешірім алды", - делінген хабарламада Сот ер адамды бес жылға бас бостандығынан айырып, жеті жылға жүргізуші куәлігінен айырды. Үкім әлі заңды күшіне енген жоқ Informburo.kz сайтынан сәйкес тақырыптар бойынша жаңалықтар мен материалдар