«Атырау» ХҚКО-да тергеу амалдары жүргізілді

Әлеуметтік желілерде Атыраудағы халыққа қызмет көрсету орталықтарының бірінде тергеу әрекеттері жүргізіліп, бірнеше қызметкерден ұялы телефондар, сондай-ақ мамандардың бірінің компьютері тәркіленгені хабарланды «Азаматтарға арналған үкімет» КЕАҚ процессуалдық әрекеттердің жүргізілгенін растады — Қазіргі таңда құзырлы органдар Қазақстан Республикасының қолданыстағы заңнамасы аясында процессуалдық әрекеттерді жүзеге асыруда. Мемлекеттік корпорация өз құзыреті шегінде уәкілетті органдарға қажетті көмек көрсетеді. Бұл мәселеге қатысты барлық басқа ақпарат қазіргі уақытта жария етілмейді, деп хабарлады ұйым Мемлекеттік корпорация сыбайлас жемқорлыққа мүлдем төзбеушілік қағидасын ұстанатынын да атап өтті. Мемлекеттік корпорацияның мәліметінше, 2026 жылдың бес айында құқық қорғау органдарына құқықтық баға беру және процессуалдық шешімдер қабылдау үшін 23 материал жіберілген Бұған дейін Цифрлық даму министрлігі халыққа қызмет көрсету орталықтары қызметкерлерінің қысқаруы мүмкін екендігіне қатысты түсініктеме берген болатын