Әскери қызметшілерге төлем үш есе артады

Төтенше жағдайларды жоюға, терроризмге қарсы операцияларға және төтенше жағдай режимін қамтамасыз етуге қатысқан Қарулы Күштер мен Шекара қызметінің әскери қызметшілеріне ақшалай төлем үш есе артады. Сенат әскери қызметшілердің құқықтық мәртебесін жетілдіруге бағытталған заңды мақұлдады. Енгізілген өзгерістердің басым бөлігі әскери қызметшілерді әлеуметтік және құқықтық тұрғыдан қорғауды күшейтуге бағытталған. Сонымен қатар 25 жылдан астам еңбек өтілі бар әскери қызметшілерге өз еркімен қызметтен босау мүмкіндігі беріледі. Ал шақыру бойынша әскери қызмет өткеріп жүрген офицердің баласы үш жасқа толғанға дейін оны күтуге байланысты демалыста болған кезеңі әскери қызмет мерзіміне есептелмейді. Алайда бұл уақыт еңбек сіңірген жылдар өтіліне қосылады