Жетісу облысында уранды экспорттамақ болған алты адам сотталды

Жетісу облысында Қазақстаннан Қытайға уран концентратын заңсыз әкетуге әрекеттенген алты айыпталушыға сот үкімі шықты, деп хабарлады соттың баспасөз қызметі Тергеу ұйымдасқан топтың қылмысты алдын ала жоспарлағанын анықтады. Айыпталушылар өндіріс орнындағы материалдарды жасырын шығарып, әртүрлі тұлғалар арқылы тасымалдап, шекарадан заңсыз өтпек болған "Нұр жолы" өткізу бекетінде шекаралық бақылау кезінде радиоактивті заттар табылды. Сараптама олардың уран концентраты екенін анықтады. Олардың радиоактивтілік деңгейі белгіленген нормалардан бірнеше есе жоғары", - делінген хабарламада Сотталушыларға ядролық материалдармен заңсыз айналысқан және контрабандаға әрекет жасаған деген айыптар тағылды. Сот үшеуін жеті жарым жылға, тағы екеуін екі жарым жылға, ал алтыншы қатысушыны төрт жарым жылға бас бостандығынан айырды. Олар жазасын қауіпсіздігі орташа түзеу мекемесінде өтейтін болады Сот үкімі заңды күшіне енген жоқ Informburo.kz сайтынан сәйкес тақырыптар бойынша жаңалықтар мен материалдар