«СЕВКАЗЭНЕРГО» Петропавл 2-ЖЭО қазандықтары мен турбиналарын жөндеуге 20,7 млрд теңге бөлуі керек

ХЭК мәліметінше, Солтүстік Қазақстан облысы 45,2 млрд теңгені құрайтын 28 жобаны жүзеге асыруды жоспарлап отыр Биыл Солтүстік Қазақстан облысында «Энергетика және коммуналдық секторды жаңғырту» ұлттық жобасы аясында жалпы құны 45,2 млрд теңгені құрайтын 28 жобаны жүзеге асыру жоспарлануда. Оның ішінде жалпы құны 5,3 млрд теңгені құрайтын 5 жылумен қамту жобасы, «Солтүстік Қазақстан өңірлік электрмен жабдықтау» АҚ жалпы құны 16,7 млрд теңгені құрайтын 11 электрмен жабдықтау жобасы, сондай-ақ «Kokshetau Energy» ЖШС-нің жалпы құны 14,3 млрд теңгені құрайтын 3 жобасы бар, деп хабарлайды Primeminister.kz Келесі жылыту маусымының кедергісіз өтуі үшін мемлекет бақылауындағы «СЕВКАЗЭНЕРГО» компаниясы биыл Петропавл 2-ЖЭО қазандықтары мен турбиналарын жөндеуге 20,7 млрд теңге бөлуде. Бұған дейін 2025 жылы облыста инвестициялық бағдарламалар аясында 5,1 миллиард теңгеге 1,5 мың шақырым электр желілері мен 227 қосалқы станса жөнделсе, 1,5 миллиард теңгеге 7,3 шақырым жылу желілері қайта жаңартылып, жөнделді 2026 жылы инвестициялық бағдарламаларға сәйкес жалпы сомасы 4,2 млрд теңгеге тағы 1,4 мың км желіні және 206 қосалқы станцияны жаңарту, сондай-ақ 1,4 млрд теңгеге 6,8 км жылу желілерін қайта жаңарту жоспарлануда Сондай-ақ, Президенттің «Ауыл ел-бесігі» бағдарламасына сәйкес ауылдарды энергетикалық жаңартуға қаржы бөлініп отыр. Егер 2025 жылы осы бағдарлама бойынша 290 миллион теңгеге 14,3 шақырым электр желісі салынса, 2026 жылы электрмен жабдықтаудың 5 жобасы бойынша жұмыстар жалғасып, 4 жаңа нысанның құрылысы басталды. Бұл мақсаттарға облыстық бюджеттен 549,5 миллион теңге қаражат бөлінді Еске салайық, Үкімет басшысы Солтүстік Қазақстан облысына жұмыс сапары аясында Мемлекет басшысының агроөнеркәсіп кешенін дамыту, ауыл шаруашылығы өнімділігін арттыру және отандық өнімді қайта өңдеуді тереңдету жөніндегі тапсырмаларының орындалу барысын тексерді. Олжас Бектенов ірі ауыл шаруашылығы кәсіпорындарының иелеріне мемлекет олардан жыл бойы жұмыспен қамтуды қамтамасыз ету бойынша өзара міндеттемелерді орындауды күтетінін ескертті Жобаның құны 4 млрд теңгеге бағаланып отыр Kapital.kz іскерлік ақпарат орталығының материалдарымен жұмыс істеу кезінде дереккөзге міндетті гиперсілтемемен мәтіннің тек 30% ғана пайдалануға рұқсат етіледі. Толық материалды пайдалану кезінде редактордың рұқсаты қажет