Сербия министрі: «Біз Әзірбайжанмен энергия ресурстарын жеткізуді арттыру бойынша келіссөздер жүргізіп жатырмыз»

Сербия мен Әзірбайжан жақын арада энергия тасымалдаушыларын жеткізу, сондай-ақ бірлескен инфрақұрылымдық бастамаларды жүзеге асыру мәселесі бойынша келіссөздерді жалғастыруда Сербияның тау-кен өнеркәсібі және энергетика министрі Дубравка Джедович Ханданович әлеуметтік желідегі парақшасында Әзірбайжанға сапарының қорытындысы туралы хабарлады Д.Джедович Ханданович Әзірбайжанның Қаржы министрі Сахил Бабаевпен екі елдің кешенді өзара іс-қимылы жөнінде келіссөздер жүргізгенін мәлімдеп, энергетикалық ресурстар екіжақты сауда айналымының негізі болып табылатынын атап өтті: "Біз 3 жыл бұрын (осы бағытта – ред.) ынтымақтастығымызды бастағаннан бері Әзірбайжаннан табиғи газ жеткізу көлемі екі есеге артты. Біз алдағы кезеңге энергия тасымалдаушыларын жеткізу, сондай-ақ жалпы инфрақұрылымдық жобалар бойынша келіссөздер жүргізіп жатырмыз" Д.Дедович Ханданович келесі айда Белград пен Баку арасында тікелей әуе қатынасы ашылатынын, сондай-ақ жоғары деңгейде бірқатар сапарлар болатынын атап өтті «Бүгінгі келіссөздер Сербияның энергетикалық қауіпсіздігін одан әрі нығайту және мемлекеттеріміз арасындағы стратегиялық әріптестікті кеңейту жолындағы маңызды қадам болып табылатын диалогты тереңдетуге мүмкіндік бергеніне қуаныштымын», - деді ол Оның айтуынша, Әзірбайжан Сербия үшін газ жеткізуші ғана емес, сонымен қатар стратегиялық серіктес. Экономика министрі Микайл Джаббаровпен және Әзірбайжанның Мемлекеттік мұнай компаниясының (SOCAR) басшысымен кездесулер аясында Сербияның энергетикалық ландшафтын өзгертуге қабілетті Ниш қаласының маңында газ электр станциясын салу жобасын іске асырудың нақты кезеңдері қаралды "Біз электр және жылу энергиясын өндіру нысанын салу шарттарын талқыладық. Бұл жоба президенттер - Александр Вучич пен Ильхам Әлиев орнатқан серіктестікті нығайтады", - деді ол Жаңа зауыт Сербияның энергетикалық жүйесінің тіректерінің біріне айналады деп күтілуде: ол өндірістің жоғары тиімділігін және ең аз шығарындыларды қамтамасыз етеді. Сонымен қатар, жоба қолданыстағы инфрақұрылымды толық пайдалануға және энергиямен жабдықтау көздерінің ауқымын кеңейтуге мүмкіндік береді "Бұл Сербияның оңтүстік аймақтарын дамытуға, өнеркәсіптік секторға және жаңа жұмыс орындарын құруға салынған инвестиция. Бұл - жасанды интеллекттен бастап деректерді өңдеудің жаңа орталықтарына дейінгі энергия технологиялық прогресті қолдайтын болашақтың негізі", - деді Д.Дедович Ханданович Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет