SEPAH Трамптың қоқан-лоққыларына жауап берді

Иран Ислам революциясы Сақшылар корпусы Шығыс Жерорта теңізіндегі газ кен орындарын нысанаға алуы мүмкін Бұл туралы SEPAH-тің АҚШ-қа жасаған соңғы ескертуінде айтылған деп хабарлайды "Report" «Трамптың қоқан-лоққыларына жауап ретінде Иран Шығыс Жерорта теңізінде үлкен газ қоры бар Кариш және Танин кен орындарын басты нысана ретінде алға қойды», - делінген хабарламада Айта кетейік, Кариш - Жерорта теңізінің шығыс бөлігінде, Израильдің солтүстік жағалауынан шамамен 90-100 км қашықтықта орналасқан табиғи газ кен орны. 2013 жылы ашылған бұл кен орнының Израильдің энергетикалық қауіпсіздігі мен экспорттық әлеуеті үшін стратегиялық маңызы бар. Кен орнынан алғашқы газ өндіру 2022 жылдың қазан айында басталды. Алдын ала есептеулер бойынша кен орнында шамамен 28–42 млрд текше метр (кейбір дереккөздер бойынша 45–57 млрд м³) газ қоры бар Танин газ кен орны да Жерорта теңізінің шығыс бөлігінде, Израиль жағалауынан шамамен 120 км қашықтықта орналасқан. 2024 жылдың аяғында Танин кен орнында шамамен 917,6 миллиард текше фут (шамамен 26 миллиард текше метр) газ және 4,4 миллион баррель конденсат бар деп бағаланады Еске сала кетейік, АҚШ пен Израиль 28 ақпанда Иранға қарсы әскери операциясын бастап, бірқатар қалаларға әуеден соққы берген болатын. Сол күні Иранның рухани көсемі Әли Хаменеи соққылардың салдарынан қаза тапты. Бұған жауап ретінде Иран Израиль аумағына зымыран ұшырып, Парсы шығанағы елдеріндегі АҚШ әскери базаларына шабуыл жасады. Жағдайға байланысты аймақтың кейбір штаттары әуе кеңістігін уақытша жауып тастады Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет