Сенат Қазақстан-Өзбекстан арасындағы Мемлекеттік шекара режимі туралы келісімді ратификациялады

Құжат 2001 жылғы 16 қарашадағы Қазақстан Республикасы мен Өзбекстан Республикасы арасындағы Мемлекеттік шекара туралы шарттың ережелерін іске асыру мақсатында және Қазақстан-Өзбекстан мемлекеттік шекарасын демаркациялау аяқталғаннан кейін және 2022 жылғы 22 желтоқсанда тиісті демаркациялау туралы шартқа қол қойылғаннан кейін әзірленді Сенаттың Халықаралық істер, қорғаныс және қауіпсіздік комитетінің мәліметінше, келісімге 2024 жылғы 8 тамызда Астанада қол қойылған Құжат екі елдің ортақ мемлекеттік шекарасы бойындағы қатынастарды реттеудің бірыңғай халықаралық құқықтық негізін белгілейді Ол мемлекеттік шекараны және шекара белгілерін ұстау, жеке тұлғалардың, көлік құралдарының, жүктердің және өзге де мүліктің мемлекеттік шекарадан өтуінің, сондай-ақ шекаралық аймақта ұшуларды орындаудың және шаруашылық және өзге де қызметті жүзеге асырудың тәртібін айқындайды, сондай-ақ шекаралық оқиғалардың алдын алу және оларды шешу тетіктерін белгілейді Келісімнің қабылдануы Қазақстан Республикасының ұлттық қауіпсіздігін нығайтуға, трансшекаралық ынтымақтастықты дамытуға, екі мемлекеттің құзыретті органдары арасындағы ынтымақтастықтың тиімділігін арттыруға, сондай-ақ Қазақстан мен Өзбекстан арасындағы стратегиялық әріптестік пен тату көршілік қатынастарды одан әрі нығайтуға ықпал етеді