Сенат Қазақстан-Өзбекстан шекарасының режимі туралы келісімді ратификациялауды мақұлдады

Келісім 2001 жылғы 16 қарашадағы Қазақстан Республикасы мен Өзбекстан Республикасы арасындағы Мемлекеттік шекара туралы келісімнің ережелерін іске асыру мақсатында, сондай-ақ Қазақстан-Өзбекстан мемлекеттік шекарасын демаркациялау процесі аяқталғаннан кейін және 2022 жылғы 22 желтоқсандағы тиісті демаркациялау туралы келісімге қол қойылғаннан кейін әзірленді Сенаттың Халықаралық қатынастар, қорғаныс және қауіпсіздік комитетінің қорытындысында айтылғандай, Келісімге 2024 жылғы 8 тамызда Астана қаласында қол қойылған Қазақстан Республикасының Үкіметі мен Өзбекстан Республикасының Үкіметі арасындағы Қазақстан-Өзбекстан мемлекеттік шекарасының режимі туралы келісім екі мемлекеттің мемлекеттік шекарасындағы қатынастарды реттеудің бірыңғай халықаралық-құқықтық негізін құрайды Құжат мемлекеттік шекараны және шекара белгілерін ұстауды, мемлекеттік шекара арқылы адамдарды, көлік құралдарын, жүктерді және өзге де мүлікті өткізу, ұшуларды орындау, шекаралық белдеуде шаруашылық және өзге де жұмыстарды жүргізу тәртібін, сондай-ақ шекарадағы оқыс оқиғалардың алдын алу және шешу тетіктерін айқындайды Келісімнің қабылдануы Қазақстан Республикасының ұлттық қауіпсіздігін нығайтуға, трансшекаралық ынтымақтастықты дамытуға, екі мемлекеттің құзыретті органдарының өзара іс-қимылының тиімділігін арттыруға, сондай-ақ Қазақстан мен Өзбекстан арасындағы стратегиялық әріптестік пен тату көршілік қатынастарды одан әрі нығайтуға ықпал етеді Бұған дейін Мәжіліс Қазақстан-Өзбекстан шекарасының режимі туралы келісімді ратификациялағаны хабарланған болатын