Алматыдағы «Алтын Орда» базарында жеті делдал жеткізілім тізбегінен шығарылды

Атап айтқанда, «Омаров» ЖК, «Айсберг Дистрибьюшн» ЖШС және «Ар Диас» ЖШС әлеуметтік маңызы бар азық-түлік тауарларын төмен бағамен сатып алып, басқа сауда субъектілеріне 17%-дан 86%-ға дейін негізсіз сауда үстемемен өткізген Бұл туралы Қазақстан Республикасының Сауда және интеграция министрлігі хабарлады Осы фактілер бойынша жоспардан тыс тексерулер тағайындалды. Олардың қорытындысы бойынша тәртіп бұзушыларға әкімшілік шаралар қолданылып, айыппұлдар салынды Жыл басынан бері бақылау шаралары аясында 171 сауда субъектісіне қатысты жалпы сомасы 3,4 млн теңгеден астам сомаға 643 әкімшілік хаттамалар толтырылды. Оның 467-сі әлеуметтік маңызы бар азық-түлік тауарлары бойынша рұқсат етілген шекті сауда үстеме ставкасын асырғаны үшін, тағы 176-сы Қазақстан Республикасының сауда қызметін реттеу заңнамасын бұзғаны үшін шығарылды Жалпы, жыл басынан бері тексерулер барысында бір бөлшек сауда желісі, бір көтерме сауда алаңы және 11 сауда субъектісі әлеуметтік маңызы бар азық-түлік тауарларына 40 пайыздан 203,8 пайызға дейін негізсіз сауда үстемелерін қолданғаны анықталды — Сонымен қатар, Үкіметтің азық-түлік базарларының қызметін реттеу және тиімсіз делдалдарды жою жөніндегі тапсырмасын орындау аясында облыстық комиссия «Алтын Орда» базарында 13 сауда субъектісіне жоспардан тыс тексеру жүргізді. Тексеру нәтижелері бойынша жеті тиімсіз делдал жеткізу тізбегінен шығарылды, деп хабарлады Сауда және интеграция министрлігі Қазіргі уақытта облыстағы өндірушілер мен ірі жеткізушілердің тізімі жасақталды. Сондай-ақ электронды шот-фактураларды талдау арқылы делдалдық схемаларды анықтау және жою жұмыстары жалғасуда Мемлекеттік кірістер органдарынан келіп түскен электрондық шот-фактураларды талдау барысында әлеуметтік маңызы бар азық-түлік өнімдерін өткізетін бірқатар ірі сауда субъектілерінде де заң бұзушылықтар анықталды. Министрлік қабылданған шаралар тауарларды жеткізу тізбегінің ашықтығын қамтамасыз етуге, бағаның негізсіз өсуіне жол бермеуге және тұтынушылардың мүдделерін қорғауға бағытталғанын атап өтті Бұған дейін Алматыдағы заңсыз «Рахат» базарының орнында тұрғындарға көлік тұрағы мен ойын-сауық ұйымдастырып жатқаны хабарланған болатын