Ресми Тегеран: АҚШ-пен келісім түпкілікті келісім емес, ядролық мәселе талқыланбайды

АҚШ-пен келіссөздердің қазіргі кезеңінде басты назар барлық майданда соғысты тоқтатуға аударылуда Бұл туралы Иран Сыртқы істер министрлігінің баспасөз хатшысы Исмаил Багай мәлімдеді, деп хабарлайды APA «Бұрынғы тәжірибені ескере отырып, қазіргі кезеңде негізгі назар барлық майдандарда, соның ішінде Ливанда да соғысты тоқтатуға аударылып, ядролық мәселені талқыламау туралы шешім қабылданды», - деді Багай Оның айтуынша, қазір талқыланып жатқан құжат Иран мен АҚШ арасындағы соңғы келісім емес: «Бұл Иран мен АҚШ арасындағы соңғы келісім емес, керісінше, даулы мәселелердің жалпы шеңберін анықтайтын және соғыстың аяқталуын нақтылайтын келісім» Сыртқы істер министрлігінің баспасөз хатшысы ядролық бағдарламаға қатысты мәселелерді алдағы кезеңде талқылау жоспарланғанын атап өтті: "Ядролық мәселе де 60 күн ішінде талқыланады деп жоспарлануда. Сондықтан қазіргі кезеңде оның егжей-тегжейлері талқыланбайды" Иран СІМ ресми өкілі Иран кемелеріне жасалған шабуылдар мен Ормуз бұғазына қатысты мәселелердің де келіссөздер тақырыбы екенін баса айтты Сонымен қатар, Бағай егер екінші тарап өз міндеттемелерін орындаудан бас тартса, Иранның жауап шаралары қолданылатынын қосты: «Міндеттемелер өзара негізде анықталады, ал егер екінші тарап кез келген кезеңде өз міндеттемелерін орындаудан бас тартса, Иранға жауап шараларын қабылдау құқығы беріледі