Бес айда Қазақстан экономикасының өсімі 3,7 пайызды құрады

Премьер-Министр Олжас Бектенов Мемлекет басшысының әртараптандыруға баса назар аудара отырып, тұрақты экономикалық өсуді қамтамасыз ету саласындағы тапсырмаларын орындау мәселелері бойынша кеңес өткізді, деп хабарлайды ҚазАқпарат primeminister.kz сайтына сілтеме жасап Премьер-Министр Олжас Бектенов Мемлекет басшысының әртараптандыруға баса назар аудара отырып, тұрақты экономикалық өсуді қамтамасыз ету саласындағы тапсырмаларын орындау мәселелері бойынша кеңес өткізді, деп хабарлайды ҚазАқпарат primeminister.kz сайтына сілтеме жасап Экономика салаларының дамуының ағымдағы көрсеткіштері қарастырылады. Премьер-Министрдің орынбасары – Ұлттық экономика министрі Серік Жұманғариннің, Көлік министрлері Нұрлан Сауранбаевтың, Энергетика министрі Ерлан Ақкенженовтің, Индустрия және құрылыс министрі Ерсайын Нағаспаевтың, Ауыл шаруашылығы Айдарбек Сапаровтың, Қаржы министрі Мәди Тақиевтің баяндамалары тыңдалды. Ұлттық экономика министрлігінің мәліметінше, бес айда экономиканың өсімі 3,7 пайызды құрады. Өңдеу өнеркәсібінде өсім 9 пайызды құрады. Машина жасауда өнім көлемі 22,2 пайызға өсті. Қаңтар-мамыр айларында елімізде 81 мыңнан астам көлік шығарылды. Сондай-ақ химия өнеркәсібінде – 17,8%-ға және құрылыс материалдарын өндіруде – 18,7%-ға өсімге қол жеткізілді. Ауыл шаруашылығында нақты көлем индексі 103,6 пайызды құрады. Отын-энергетика кешеніне көңіл бөлінуде. Премьер-Министр инвестициялық жобаларды жүзеге асыру, жаңа өндіріс орындарын уақтылы іске қосу және қолда бар өсу резервтерін тиімді пайдалану бойынша жұмысты күшейту қажеттігін атап өтті. Министрлерге қажетті өсу қарқынына қол жеткізу үшін барлық қажетті шараларды қабылдау тапсырылды. Үкімет басшысы бірінші жартыжылдықта нақты көлем индексінің жоспарланған көрсеткіштеріне қол жеткізу үшін мемлекеттік органдардың бірінші басшыларының жеке жауапкершілігін белгіледі Бұған дейін ХВҚ Қазақстан экономикасының серпініне оң баға берген болатын