Әзербайжан фильмі Рим Prisma Film Awards салтанатында ұсынылды

Сәбина Зулалованың «Мэр құйрық. Инклюзивті ғажайыптар» (Marytale. Inkluziv Möcüzələr) ертегісі бойынша экрандастырылған фильм Италияда өткен Rome Prisma Film Awards халықаралық фестивалінде көрсетіліп, фильм сертификатпен марапатталды. Қысқаметражды фильмнің түсіріліміне Даун синдромымен ауыратын үш бала қатысты ҚазАқпараттың хабарлауынша, Rome Prisma Film Awards халықаралық кинофестивалі 2018 жылы Римде негізі қаланған еуропалық тәуелсіз кинофестиваль болып табылады. Фестиваль Италия астанасының тарихи кинотеатрларында өтіп, әлемнің 150-ден астам елінен режиссерлер, сценаристер мен продюсерлердің басын қосады. Ұйымдастырушылар гуманизм идеяларына, мәдени диалогқа және киноның эмоционалдық күшіне ерекше назар аударады Жоба авторы С.Зулалова AZERTAC тілшісімен әңгімесінде Әзірбайжан кинематографиясын халықаралық аренада көрсету өте маңызды екенін атап өтті: «Бұл біздің кинематографиямызды танымал ету және тәуелсіз сарапшылардың әзірбайжандық шығармашылық адамдарын бағалауы.Әзербайжанды халықаралық платформада көрсету мен үшін үлкен мақтаныш болды», - деді Жоба авторының айтуынша, фестивальге қатысу ерекше маңызды оқиға болды "Фильмде саңырау-мылқау суретшінің рөлін сомдаған қызым Сайма Мадатова фестивальге еріп барып, марапатқа ие болды. Оның фильмді жасауға қосқан үлесі - субтитрлерді ағылшын тіліне аудару. Фестивальге іріктеу атқарылған жұмыстың тәуелсіз халықаралық сарапшылардың назарын аударып, жоғары бағасын алғанын растады", - деп атап өтті сұхбаттасымыз С.Зулалова жобаға қолдау білдіріп, фильмді жасауға атсалысқаны үшін Әзірбайжанның халық әртісі Хамида Омарова мен белгілі әзірбайжандық актер Азер Айдемирге алғысын білдірді Әзірбайжан Республикасының Кино агенттігі бөлген грант қосымша көріністерді түсіруді аяқтауға және фильмнің драматургиясын айтарлықтай жақсартуға, сондай-ақ фильмді Әзірбайжанның Мемлекеттік кино қорында сақтауға мүмкіндік бергені атап өтілді