Душанбеде Орталық Азияның ШЫҰ-дағы рөлі талқыланды

Форум Шанхай ынтымақтастық ұйымына мүше мемлекеттердің, халықаралық ұйымдардың, сарапшылық және академиялық қауымдастықтың өкілдерін жинап, аймақтық қауіпсіздікті, тұрақты дамуды және көпжақты ынтымақтастықты нығайту перспективаларын талқылады Конференцияға қатысушыларға арнаған бейнеүндеуінде ШЫҰ Бас хатшысы Нұрлан Ермекбаев Орталық Азия Шанхай ынтымақтастық ұйымына мүше мемлекеттердің мүдделерін байланыстыратын негізгі аймақ болып қала беретінін атап өтті «2021 жылы шуақты Тәжікстанның астанасында ШЫҰ-ның 20 жылдығына арналған мерейтойлық саммитте мемлекет басшыларының Орталық Азия ШЫҰ-ның өзегі екенін айтқаны кездейсоқ емес», - деп еске алды Нұрлан Ермекбаев Ол ұйымның ширек ғасыр ішінде қазіргі замандағы ең ірі халықаралық бірлестіктердің біріне айналғанын атап өтті. Бүгінде ШЫҰ кеңістігі жер шарының шамамен төрттен бірін және планета халқының жартысына жуығын қамтиды. Орталық Азия мемлекеттері ШЫҰ қызметінің барлық негізгі бағыттары бойынша ынтымақтастықты дамытуға елеулі үлес қосты және қосуда — Біз Орталық Азия әрқашан дамудың, әл-ауқат пен өркендеудің кеңістігі болып қала беретініне сенеміз. ШЫҰ-ның 25 жылдығы – қол жеткізілген нәтижелерді түсінудің және одан әрі дамудың бағдарларын анықтаудың маңызды кезеңі. Мемлекет басшыларының ортақ жоспарлары мен шешімдерін жүзеге асыру, соның ішінде ұйымның қызметін жетілдіру алдағы Бішкекте өтетін ШЫҰ-ға мүше мемлекеттердің мемлекет басшыларының саммитінде жаңа серпін алады деп сенеміз», - деді Нұрлан Ермекбаев Тәжікстан Сыртқы істер министрлігінің басшысы Сирожиддин Мухриддин өз сөзінде Шанхай ынтымақтастық ұйымы жетілген, беделді және сұранысқа ие халықаралық бірлестік ретінде өзінің 25 жылдығын тойлап жатқанын атап өтті Естеріңізге сала кетейік, Тәжікстанда IT-Hub Dushanbe құрылысы басталды