Астанада конституциялық реформаның заңнаманы дамытудағы рөлі талқыланды

Талқылауға Президент Әкімшілігінің, Конституциялық Соттың өкілдері, Қазақстан Республикасы Парламенті Мәжілісінің депутаттары, конституциялық реформа жөніндегі комиссия мүшелері, мемлекеттік органдардың басшылары, сондай-ақ ғылыми және сарапшылық қоғамдастықтың өкілдері қатысты Қазақстан заңгерлер одағының төрағасы Серік Ақылбай жаңа Конституцияны жүзеге асырудың барлық негізгі заңнамалық тетіктері қазірдің өзінде қалыптасқанын айтты — Біз жаңа Конституция қабылдадық. Соған сәйкес қажетті конституциялық заңдар әзірленіп, қабылданды. Негізгі заңнамалық база толығымен қалыптасты. Енді ел жаңа Конституция талаптарына сай жұмыс істей бастайды. Басты мәселе – Құрылтайдың қызметі. 1 шілдеден бастап Құрылтайға енген қатысушылар өз жұмыстарын бастайды. Түсіндіру жұмыстары жүргізіліп, республика бойынша жұмыс істейтін арнайы топтар құрылады», - деді ол Серік Ақылбай сондай-ақ қыркүйекте Жоғарғы конституциялық-кеңесші орган Халық Кеңесін құру жұмыстары басталатынын атап өтті — Бұл туралы Президент те айтты. Заңнамаға сәйкес, Халық Кеңесін құру қыркүйек айында ғана мүмкін болады. Қажетті заң қабылданып, күшіне енгеніне қарамастан, кеңесті құру жұмыстары күзде басталады, деді Серік Ақылбай Қазақстан Республикасы Парламенті Мәжілісінің депутаты Марат Бәшімовтің айтуынша, 1 шілдеден бастап қоғаммен байланыстардың жаңа кезеңі басталады. Оның атап өткеніндей, олар қайта пішімделуде, өйткені конституциялық институттар жаңаша жұмыс істей бастайды «Ал бұл болашақта депутаттық корпустың қолжетімді, кәсіби болуына мүмкіндік береді, өйткені Президент әу бастан-ақ Парламент кәсіби, жауапты болуы керек деп айтқан болатын», - деді Марат Бәшімов Депутат атап өткендей, Конституция Құрылтайға жаңа мәртебе беріп, оның мемлекеттік билік жүйесіндегі рөлін айтарлықтай кеңейтеді — 1 шілдеден бастап Құрылтай заң шығарушы билік деп аталады. Мен профессормын, 35 жыл сабақ бердім, Монтескье бойынша бізде билік тармақтары бар екенін білемін. Ал енді Құрылтай толыққанды билік тармағы ретінде өзінің жаңа мазмұны мен мәніне ие болады. Бұл өте маңызды», - деп атап өтті Мәжіліс депутаты Ол Құрылтайды құрудың партиялық принципі халық өкілдерінің жауапкершілігі мен заң шығару процесінің тиімділігін арттырады деп есептейді — Партиялар қоғамға ұсынатын күн тәртібімен халық алдындағы, қоғам алдындағы жауапты ұстаныммен келеді. Ал бұл орайда партиялық жұмыс, керісінше, заң шығару процесінің тиімділігін арттырады. Өйткені, партиялар да бір күш. Қалай десек те, күн тәртібін қозғайтын саяси күштер осылар. Олар билікке келгенде қоғамға не уәде етеді, сол күн тәртібін орындайды», – дейді Башимов Еске салайық, елордада өткен ғылыми-тәжірибелік конференцияда Әділет министрі Ерлан Сәрсембаев конституциялық реформалардың кезеңдері туралы айтты