Reuters: Ирандағы соғыс АҚШ-ты ең ірі мұнай экспорттаушыға айналдырды

Сауд Арабиясының мұнайы экспортталатын Ормуз бұғазы жабылып, Ресей мұнайына санкция салынған тұста АҚШ үшінші ай қатарынан әлемдегі жетекші мұнай экспорттаушысы болды. Бұл туралы Reuters агенттігі танкерлерге қызмет көрсететін Vortexa қызметінің деректеріне сілтеме жасап хабарлады Оған сәйкес, АҚШ-тың мұнай мен жанармай экспорты мамыр айында өндіріс көлемінің артуы мен елдің стратегиялық мұнай қорының босатылуының арқасында тәулігіне шамамен 10,5 миллион баррельге дейін өсті. Сол айда Ресейдің экспорты тәулігіне 7 миллион баррель болса, Сауд Арабиясының экспорты 5,9 миллион баррель болды Vortexa сервисінің мәліметі бойынша, 2025 жылы Сауд Арабиясы мұнай экспорты саласында көшбасшы болды – ол тәулігіне шамамен 8,1 миллион баррель сатты. АҚШ тәулігіне 6,6 миллион баррель, Ресей 5,8 миллион баррель мұнай экспорттады «Ірі мұнай экспорттаушысы бола отырып, Вашингтон өзінің жаһандық әскери артықшылығы мен қаржы нарығындағы үстемдігіне қоса, қарсыластарымен және одақтастарымен келіссөздер жүргізуде жаңа мүмкіндіктерге ие болады», - деп жазды Reuters Мысалы, АҚШ Еуропаның негізгі шикі мұнай импорттаушысы және аймақтағы дистиллят отынының екінші ірі жеткізушісі болды. Сонымен қатар, Таяу Шығыстан мұнай алудың қиындығынан Азия елдері де Америка мұнайына тәуелді 11 маусымда АҚШ президенті Дональд Трамп өзінің X әлеуметтік желісінде жариялаған жазбасында Иранның негізгі мұнай экспорттау орталығы Харг аралының мұнай инфрақұрылымын басып аламыз деп қорқытты