"Reuters": АҚШ Иранның активтерін Парсы шығанағындағы одақтастарына беруді қарастыруда

АҚШ әкімшілігі Тегеран тарапынан болуы мүмкін залалды өтеу үшін Парсы шығанағындағы одақтастарына ирандық активтерге рұқсат ашуды жоспарлап отыр Бұл туралы «Рейтер» агенттігі дереккөздерге сілтеме жасап хабарлады Ақпаратқа сәйкес, АҚШ Иранның активтерін Парсы шығанағы аймағындағы серіктестерін қолдау, қалпына келтіру жұмыстарын жүргізу және болашақта Иран келтіретін залалдың салдарын жою үшін пайдалану мүмкіндігін береді Материалда америкалық тараптың Иран активтерін қазірдің өзінде келтірілген залалды өтеу үшін пайдалану мүмкіндігін де зерттеп жатқаны айтылған. АҚШ Қаржы министрлігінің басшысы Скотт Бесент сарапшыларға Иранның аталған елдерге келтірген шығынын есептеуді тапсырды Иранның нақты қандай активтеріне арналғаны айтылмаған Еске сала кетейік, ақпанның 28-і күні АҚШ пен Израиль Иранға қарсы әскери операциясын бастап, бірқатар қалаларға әуе шабуылдары жасалған болатын. Сол күні Иранның рухани көсемі Әли Хаменеи соққылардың салдарынан қаза тапты. Бұған жауап ретінде Иран Израиль аумағына және Парсы шығанағы елдеріндегі АҚШ әскери базаларына шабуыл жасады Сәуірдің 8-іне қараған түні Иран, АҚШ және олардың одақтастары атысты тоқтату туралы келісімге келді.Трамп кейін атысты тоқтату келісімін белгісіз уақытқа ұзартты Тараптар қақтығысты шешу үшін Пәкістанда келіссөздер жүргізді, бірақ 11-12 сәуірде өткен бірінші раунд еш нәтиже бермеді АҚШ Тегеранға қысым көрсету үшін Иран порттары мен Ормуз бұғазы арқылы өтетін жолдарды қоршауға алды. Иран өз кезегінде Парсы шығанағына баратын кемелер үшін Ормуз бұғазының жабылатынын мәлімдеді. Аймақтағы динамикалық өзгермелі жағдай жаһандық энергетикалық дағдарысты тудырды Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет