Рекордтық алтын қоры және инфляцияның төмендеуі – Ұлттық банк есебі

Қасым-Жомарт Тоқаев Ұлттық банк басшылығының 2025 жылға арналған жұмыс қорытындылары мен 2026 жылға арналған жоспарлары туралы есебін тыңдады, деп хабарлайды Orda.kz Ұлттық банк төрағасы Тимур Сүлейменов Мемлекет басшысына инфляция ахуалы, қаржы секторының жай-күйі, елдің алтын-валюта қоры, Ұлттық қор мен Бірыңғай жинақтаушы зейнетақы қорының (БЖЗҚ) активтері, сондай-ақ цифрлық жобалар туралы баяндады Ұлттық банктің мәліметінше, Қазақстанда 2025 жылдың соңында инфляция 12,3%-ға дейін төмендеді. Төмендеу биыл да жалғасты: 2026 жылдың мамыр айының соңында бұл көрсеткіш 10,4% құрады Тоқаевқа мемлекет активтері туралы мәліметтер де ұсынылды. Өткен жылдың соңында алтын-валюта қоры рекордтық 65,4 миллиард долларға жетті. Ұлттық қордың валюталық активтері 5,1 млрд долларға өсіп, 63,9 млрд долларды құрады Қазақстандықтардың зейнетақы жинақтары да өсті. БЖЗҚ активтері бір жылда 2,7 трлн теңгеге өсіп, 25,1 трлн теңгеге жетті Жиында қаржы жүйесін цифрландыру мәселесіне ерекше назар аударылды. 2025 жылы цифрлық активтерге арнайы құқықтық режим іске қосылды. Оның аясында 30-дан астам пилоттық жобалар жүзеге асырылды, оның ішінде нақты активтерді токенизациялау, стабилкоиндарды шығару, криптопровайдерлердің жұмысы және крипто-фиат арналарын дамыту