Тоқаев: «Қазақстан мен Түркия арасында шешілмеген мәселе жоқ

Қазақстан-Түркия екіжақты қарым-қатынастары кеңейтілген стратегиялық әріптестік рухында қарқынды дамып келеді Бұл туралы Қазақстан президенті Қасым-Жомарт Тоқаев Түркиямен өткен Жоғары деңгейдегі стратегиялық ынтымақтастық кеңесінің алтыншы отырысында айтты, деп хабарлайды 525.az "Түркия - бауырлас ел, біз үшін маңызды және сенімді серіктес. Біздің халықтарымыздың тарихы мен адамгершілік құндылықтары бір. Бүгінде біздің қарым-қатынастарымыздың терең тамыры халықтарымыз арасындағы мызғымас достықтың одан әрі нығаюына ықпал етуде. Біздің елдер арасында шешілмеген мәселе жоқ", - деді Тоқаев Президенттің айтуынша, мемлекетаралық және үкіметаралық байланыстар нығайып келеді. Сонымен қатар, екі ел арасындағы экономикалық ынтымақтастық нығая түсуде. Түркия Қазақстандағы ең ірі инвесторлардың бірі "Бүгінге дейін сіздің елден экономикамызға 6 миллиард доллар инвестиция құйылды. Қазақстанның Түркияға инвестициясы да артып, шамамен 2,5 миллиард долларға жетті. Түркия да біздің негізгі сауда серіктестеріміздің бірі. Халықтарымыз арасындағы мәдени-гуманитарлық байланыстар біздің қарым-қатынастарымыздың алтын іргетасын құрайды. Біз осы оң қарқынды сақтап, ынтымақтастығымыздың ауқымын одан әрі кеңейтуді көздеп отырмыз", - деді Токаев Айта кетейік, Түркия президенті Режеп Тайып Ердоған Қазақстанда сапармен жүр