Галибаф: АҚШ келіссөздерде Иранның сеніміне ие бола алмады

Исламабадтағы келіссөздерде Иранның бітімгершілік бастамаларына қарамастан америкалық тарап Теһранның сеніміне ие бола алмады Бұл туралы Ислам Республикасы Парламентінің спикері Мұхаммед Багер Ғалибаф «X» әлеуметтік желісінде жазды, деп хабарлайды «Report» "Келіссөздер басталмас бұрын мен бізде қажетті ерік-жігер мен тілек бар екенін атап өттім, бірақ алдыңғы екі соғыс тәжірибесіне байланысты біз қарсы тарапқа сенбейміз. Менің Иран делегациясындағы әріптестерім перспективалы бастамалар ұсынды, бірақ нәтижесінде америкалық тарап келіссөздердің бұл кезеңінде біздің сенімімізді ақтай алмады", - деді ол Ғалибаф сонымен қатар дос және ағайын Пәкістанның келіссөздерге ықпал ету күш-жігерін жоғары бағалады "Иран - 90 миллион халқы бар ел. Мен рухани басшының кеңесімен бізді қолдаған барлық қаһарман Иран халқына алғыс айтамын. Әріптестеріме 21 сағатқа созылған осы қарқынды келіссөздерде сәттілік тілеймін",- деді Айта кетейік, Исламабадта Пәкістанның арағайындығымен өткен Иран мен АҚШ арасындағы келіссөздердің бірінші күні аяқталды. Келіссөздерге АҚШ вице-президенті Джей Д.Вэнс бастаған делегация, сондай-ақ Президенттің арнайы өкілі Стив Уиткофф пен кәсіпкер Джаред Кушнер қатысуда. Келіссөздерге Иран тарапынан Парламент спикері Мохаммад Багер Галибаф пен Сыртқы істер министрі Аббас Арагчи қатысуда. Кездесуге Пәкістан армиясы бас штабының басшысы Асим Мунир де қатысты Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет