Бес жылға бас бостандығынан айыру: Астанада Сарайшық көпіріндегі адам өліміне себепкер болған қылмыскер сотталды

— Астана қаласының қылмыстық істер жөніндегі мамандандырылған ауданаралық соты сотталушы К.-ға қатысты айыптау үкімі шығарды (ҚК 345-бабының 4-бөлігі). 2026 жылдың қаңтар айында Астана қаласы Түркістан көшесінен Сарайшық көпірімен Б.Момышұлы көшесі бағытында автокөлікті басқарып келе жатқан К. Жылдамдықты төмендетпей, қозғалыс бағытында жол қозғалысы жағдайын ескермей және бақылаусыз Жол қозғалысы ережелерінің талаптарын өрескел бұзып, қарсы қозғалысқа шығып, жүргізуші С басқарған автокөлікпен соқтығысқан. Жол-көлік оқиғасы салдарынан көліктің жолаушылары М. және А-ның абайсыздықтан қаза табуы орын алған, деп атап өтті астаналық сот Елордалық соттың хабарлауынша, Астанада екі адамның өліміне әкеп соқтырған жол-көлік оқиғасы бойынша сот үкімі шықты. Сот жүргізуші К.-ны ҚК-нің 345-бабының 4-бөлігімен кінәлі деп танып, 7 жыл мерзімге көлік құралдарын басқару құқығынан айыра отырып, 5 жылға бас бостандығынан айыру жазасын тағайындады Сот талқылауы барысында анықталғандай, мемлекеттік айыптаушы сотталушыны 5 жылға бас бостандығынан айыруды сұрады, ал К.-ның өзі жасалған құқық бұзушылықтағы кінәсін толық мойындады Баптың санкциясында 7 жылға дейін жүргізуші куәлігінен қосымша айырумен 5 жылдан 10 жылға дейін бас бостандығынан айыру жазасы қарастырылған Сот жеңілдететін мән-жайлар ретінде кінәсін толық мойындауды, шын жүректен өкінуді, жәбірленушілерге келтірілген зиянды өтеуді және олардан кешірім алуды ескерді. Ешқандай ауырлататын мән-жайлар анықталған жоқ Үкім әлі заңды күшіне енген жоқ Естеріңізге сала кетейік, Астанада адам өліміне әкелген оқыс оқиға орын алып, салдарынан екі адам қаза тапты