Мас күйдегі Семей тұрғыны ит атып, рөлге отырды

Семейде полицейлер ит өлтірді деген күдікпен ер адамды ұстады Абай облыстық полициясының мәліметінше, 7 маусымға қараған түні құқық қорғау органдарына жеке үйдің тұрғындары хабарласқан. Олардың айтуынша, бұрынғы күйеу баласы итті атып өлтірген Оқиға орнына жеткен полиция қызметкерлері ер адамды ұстады. Ұсталған кезде ол мас болған. Ол қосымша тергеу үшін полиция бөлімшесіне жеткізілді Жануарды атқан шолақ мылтық тәркіленді. Ұсталғанның көлігі уақытша ұстау изоляторына қойылды «Оқиға бойынша қылмыстық іс қозғалды.Сонымен қатар, ер адам бірден бірнеше бап бойынша – көлікті мас күйінде басқарғаны, ұсақ бұзақылық жасағаны, сондай-ақ азаматтық қаруды сақтау, алып жүру және қолдану ережелерін бұзғаны үшін әкімшілік жауапкершілікке тартылды», - деп хабарлады облыстық полиция департаменті Сондай-ақ тәркіленген мылтықты сақтауға және алып жүруге рұқсатты қайтарып алу туралы шешім қабылданды. Жиналған әкімшілік материалдар сотқа жолданды «Сотқа дейінгі тергеп-тексерудің барысы Абай аудандық ІІБ басшылығының бақылауында», - деп қосты департаменттің баспасөз қызметі Бір күн бұрын Атырауда итті күрекпен ұрған әйелге қатысты сот үкім шығарды. Ол жануарларға қатыгездік жасағаны үшін кінәлі деп танылып, 100 сағатқа қоғамдық жұмысқа тартылды