Путин мигранттарды медициналық тексеру мерзімін қысқарту туралы заңға қол қойды

Ресей президенті Владимир Путин мигранттарды міндетті медициналық тексеруден өту мерзімін 90 күннен 30 күнге қысқарту туралы заңға қол қойды. Құжат ресейлік нормативтік құқықтық актілер базасында жарияланды Осы уақытқа дейін шетел азаматтары Ресейге кіргеннен кейін 90 күн ішінде міндетті медициналық тексеруден өтуі тиіс болатын. Қауіпті жұқпалы аурулардың жоқтығын растау және жұмысқа рұқсат немесе патент алу қажет Жаңа заң бойынша елге кіргеннен кейін 30 күн ішінде медициналық тексеруден өту керек. Жаңа ережелер 2026 жылдың 1 қыркүйегінен бастап күшіне енеді Сондай-ақ заң міндетті медициналық тексеруден жалтарғаны үшін айыппұлды қарастырады – 25-тен 50 мың рубльге дейін (347-ден 693 долларға дейін). Сонымен қатар, тәртіп бұзушылар Ресейден депортациялануы мүмкін Жалған медициналық анықтамаларды қолдан жасау және сату үшін бөлек жаза қарастырылған. Бұл үшін бір миллион рубльге дейін (шамамен 13,9 мың доллар) айыппұл немесе төрт жылға дейін бас бостандығынан айыру жазасы тағайындалуы мүмкін Тәжікстанның Еңбек және көші-қон министрлігінің Ресейдегі өкілдігі тәжік мигранттарын жаңа талаптарды ескеріп, белгіленген мерзімде медициналық тексеруден өтуге шақырды Azattyk Asia © 2026 Азаттық радиосы, Inc. | Барлық құқықтар қорғалған