Неміс прокуроры: Айгүл Сайлыбаеваның ісі бойынша қамауға алынғандар болған жоқ

— Осы уақытқа дейін Германия Федеративтік Республикасында да, шетелде де осы іске қатысты тұтқындаулар болған жоқ. Құпиялылықты сақтау және жүргізіліп жатқан тергеудің нәтижелілігі үшін мен, өкінішке орай, әлі де жүргізілуі қажет әрі қарайғы тергеу әрекеттері туралы ақпарат бере алмаймын, деді агенттіктің сауалына Дармштадт қаласының аға прокуроры Ол бұл іске қатысты тергеу амалдары жалғасып жатқанын айтты Сонымен қатар, қазіргі уақытта бұл жағдайда Ресейдің құзырлы органдарымен өзара іс-қимыл жоқ Бұған дейін адвокат Жанна Уразбахова күдікті Александр мен Наталья Донцовтардың әлі ұсталмағанын хабарлаған болатын Германияның құқық қорғау органдары кісі өлтіру фактісі бойынша қылмыстық іс қозғағанын естеріңізге саламыз. Германия Сыртқы істер министрлігі хабарлағандай, сот шешімімен марқұмның қайын енесі Наталья Донцова күдікті деп танылды, сондықтан оны Германияда және Еуропаның басқа да елдерінде қамауға алуға санкция берілді Астана қаласы Сарыарқа аудандық сотының бұрынғы судьясы Айгүл Сайлыбаева 2024 жылдың жазында Германияда жоғалып кетті. Кейін жоғалған қазақстандық әйелдің денесі Бенсхайм қаласының маңынан табылғаны белгілі болды Кейін Айгүл Сайлыбаеваның өліміне қатысты қылмыстық іс материалдарын Ресей тарапына беру жоспарланғаны туралы ақпарат пайда болды. Бұқаралық ақпарат құралдарының хабарлауынша, Наталья Донцова Мәскеуде тұрады. Оның ұлы Александр Донцов та, Ұлттық зерттеу университетінің Экономика жоғары мектебінде жұмыс істейді 2026 жылдың наурызында Александр Донцов әйелі Айгүл Сайлыбаеваның өліміне қатысы бар деген айыптауларды көпшілік алдында жоққа шығарды