Прокуратура Ұлытау өңіріндегі инвесторға 55 миллион теңгені қайтаруға қол жеткізді

Ұлытау облысы Сәтбаев қаласының прокуратурасы Инвесторлардың құқықтарын қорғау комитетінің келісуімен жел электр стансасын салу жобасын жүзеге асырып жатқан «Мезгілдер күштері» ЖШС-нің құқығын қорғады, деп хабарлайды ҚазАқпарат Активтерді қайтару комитетіне сілтеме жасап Ұлытау облысы Сәтбаев қаласының прокуратурасы Инвесторлардың құқықтарын қорғау комитетінің келісуімен жел электр стансасын салу жобасын жүзеге асырып жатқан «Мезгілдер күштері» ЖШС-нің құқығын қорғады, деп хабарлайды ҚазАқпарат Активтерді қайтару комитетіне сілтеме жасап Кәсіпкерлік субъектілерінің өтініштерін қарау кезінде заңнаманың сақталуын талдау барысында инвесторлардың құқықтарының бұзылуы анықталды. Анықталғандай, кәсіпорын 2025 жылдың шілде айынан бастап мемлекеттік кірістер органына жабдықты импорттау кезінде қосымша құн салығының артық төленген сомасын қайтару мәселесі бойынша бірнеше рет жүгінген. Барлық қажетті құжаттар ұсынылып, қайта-қайта сұранғанымен, мәселе ұзақ уақыт шешімін таппай келді. Салық кодексінің талаптарына сәйкес салық берешегі болмаған жағдайда артық төленген соманы қайтару салық төлеушінің өтініші негізінде заңнамада белгіленген мерзімдерде жүргізіледі. Инвестордың бұзылған құқықтарын қалпына келтіру мақсатында қала прокуратурасымен прокурорлық қадағалау актісі енгізілді. Қабылданған шаралардың қорытындысы бойынша кәсіпорынға жалпы сомасы 55 млн теңгенің артық төленген салық төлемдері қайтарылды. Степногорда 18,3 миллиард теңгенің жобасы бар инвесторды прокуратура қорғағаны осыған дейін хабарланған болатын