Елбасы Бейбітшілік кеңесінің аға кеңесшісімен кездесті

Ұйым өкілі мемлекет басшысына Дональд Трамптың сәлемін жеткізді Қазақстан Президенті Қасым-Жомарт Тоқаев Бейбітшілік кеңесінің аға кеңесшісі Арье Лайтстоунмен кездесті. Ұйым өкілі мемлекет басшысына АҚШ президенті Дональд Трамптың сәлемін жеткізді, деп хабарлайды Ақорданың баспасөз қызметі «Бейбітшілік кеңесінің негізін қалаушылардың бірі ретінде біз бұл институт жаһандық бейбітшілік пен қауіпсіздікті нығайтуға тиімді үлес қосатынына сенімдіміз», - деді президент Кездесу барысында әлеуметтік инфрақұрылымды қалпына келтіру жобаларына қатысу, білім беру, денсаулық сақтау және азық-түлік қауіпсіздігін қолдау салаларындағы бастамаларды жүзеге асыруды қамтитын Газа секторындағы жағдайды тұрақтандыруға көмектесуге бағытталған қазақстандық бастамалар талқыланды Ари Лайтстоун Мемлекет басшысы мен Қазақстан халқын Мемлекеттік рәміздер күнімен құттықтап, елімізге тыныштық пен гүлдену тіледі. Бейбітшілік кеңесінің өкілі Қазақстанның осы ұйымның жұмысына белсенді қатысуын және басқа да халықаралық бастамаларды, соның ішінде Авраам келісімдеріне қосылу шешімін жоғары бағалады Әңгімелесушілер көлік-логистикалық сектордағы, соның ішінде TRIPP бастамасы мен Орта дәліз аясындағы өзара іс-қимылды қоса алғанда, ынтымақтастық перспективаларын талқылады. Қазақстанның өңіраралық өзара байланысты нығайтуға және халықаралық көлік бағыттарын әртараптандыруға мүдделілігі атап өтілді Кездесу қорытындысы бойынша екіжақты және көпжақты күн тәртібіндегі мәселелердің кең ауқымы бойынша ынтымақтастықты одан әрі тереңдетуге өзара әзірлік расталды Бұған дейін Қасым-Жомарт Тоқаев Дональд Трамптың Бейбітшілік кеңесі туралы айтқан болатын. Мемлекет басшысы бұл бастама халықаралық шиеленістерді шешуге жаңа көзқарас ұсынатынын айтты 2026 жылы 19 ақпанда Қасым-Жомарт Тоқаев Бейбітшілік кеңесінің инаугурациялық отырысында сөз сөйледі. Ол Газа секторын тұрақтандыру және қалпына келтіру үшін Қазақстанның күш-жігерін біріктіруге дайын екенін мәлімдеді. 2026 жылдың 22 қаңтарында Қасым-Жомарт Тоқаев АҚШ президенті Дональд Трамптың бастамасымен құрылған Бейбітшілік кеңесінің жарғысына қол қойды. Салтанатты шараға Қазақстан Президентімен бірге 18 елдің басшылары мен өкілдері қатысты. Сондай-ақ, Қазақстанның Бейбітшілік кеңесіне ұйым жарғысында қарастырылған 1 миллиард доллар көлеміндегі қаржылай жарнаны өз еркімен енгізбей кіргені хабарланды Бейбітшілік кеңесін құру Дональд Трамптың палестиналық-израильдік қақтығысты реттеу жоспарын қарастырады АҚШ президенті мемлекет басшысын Майамиде Бейбітшілік кеңесінің кезекті отырысында күтуде Kapital.kz іскерлік ақпарат орталығының материалдарымен жұмыс істеу кезінде дереккөзге міндетті гиперсілтемемен мәтіннің тек 30% ғана пайдалануға рұқсат етіледі. Толық материалды пайдалану кезінде редактордың рұқсаты қажет